અમદાવાદ / AMC એક્શનમાં: 500 કરોડથી વધુના કામ લટકાવનાર આ બે કોન્ટ્રાક્ટ કંપનીઓ થશે બ્લેકલિસ્ટ, સ્ટેન્ડિંગમાં દરખાસ્ત

• AMC બે કોન્ટ્રાક્ટરને કરશે બ્લેકલિસ્ટ
• જ્યોતિ ઈન્ફ્રાટેક, વંદેમાતરમ પ્રોજેક્ટ્સને કરશે બ્લેકલિસ્ટ
• 500 કરોડથી વધુના કામ લટકાવતા થશે કાર્યવાહી

અમદાવાદ મહાનગરપાલિકાનો કડક વલણ સામે આવ્યો છે, કર્પોરેશન બે કોન્ટ્રોક્ટરને બ્લેકલિસ્ટ કરશે જેમાં જ્યોતિ ઈન્ફ્રાટેક અને વંદેમાતરમ પ્રોજેક્ટ્સ લિમિટેડને બ્લેકલિસ્ટ કરશે તેવી વિગતો સામે આવી છે. 

5 વર્ષ માટે બન્ને કોન્ટ્રાક્ટર થશે બ્લેકલિસ્ટ
બે કોન્ટ્રોક્ટરને બ્લેકલિસ્ટ કરવા માટે AMCની સ્ટેન્ડિંગ કમિટીમાં દરખાસ્ત મુકાઈ છે. અત્રે તમને જણાવી દઈએ કે, 500 કરોડથી વધુના કામ લટકાવવા બદલ બ્લેકલિસ્ટ કરાશે, જેમાં હાઉસિંગ પ્રોજેક્ટના કામમાં બન્ને કોન્ટ્રાક્ટરે વિલંબ કર્યો છે તેમજ જ્યોતિ ઈન્ફ્રાટેકે 6370 મકાનની યોજના બનાવવા કોન્ટ્રાક્ટ મેળવ્યો હતો જ્યારે વંદેમાતરમને 593 મકાન બાંધવાનો કોન્ટ્રાક્ટ મળ્યો હતો. બન્ને કોન્ટ્રાક્ટરને 5 વર્ષ માટે બ્લેકલિસ્ટ કરવામાં આવશે. 

અગાઉ પણ બે એજન્સીઓને  બ્લેકલિસ્ટ કરાઈ હતી
થોડા દિવસ અગાઉ બે એજન્સીઓને બ્લેકલિસ્ટ કરાઈ હતી. વાત જાણે એમ છે કે, અમદાવાદ મ્યુનિસિપલ કોર્પોરેશન સંચાલિત સ્મશાન ગૃહોમાં અંતિમસંસ્કાર માટેની લોખંડની ઘોડીઓમાં કોન્ટ્રાકટર દ્વારા કરવામાં આવેલ કૌભાંડ મામલે બે એજન્સીઓને બ્લેકલિસ્ટ કરી હતી. સ્ટેન્ડિંગ કમિટીમાં સમભાવ સેવા સંઘ અને જય શ્રી કૃષ્ણ સેવા સંઘ નામની સંસ્થાને એક વર્ષ માટે બ્લેકલિસ્ટ કરવાની દરખાસ્તને મંજૂરી આપવામાં આવી હતી. કોન્ટ્રાક્ટર દ્વારા શહેરના છ જેટલા સ્મશાનોમાં લોખંડની ઘોડીઓમાં કૌભાંડ કરવામાં આવ્યો હતો. ો