સૂચના / તીડનો આતંક વિમાની સેવા માટે પણ બન્યો ખતરો, ઉડ્ડયન મંત્રાલયે પાયલટોને આપ્યા આ ખાસ આદેશ

Bhushita

Last Updated: 10:25 AM, 30 May 2020

FOLLOW ON

શેર કરો

પાકિસ્તાનથી આવેલા તીડના ઝૂંડના કારણે વિમાની સેવાને પણ મુશ્કેલી પડી રહી છે. રાજ્યોમાં વધી રહેલો તીડનો આતંક વિમાની સેવા માટે ખતરો બની રહ્યો છે ત્યારે ઉડ્ડયન મંત્રાલયે વિમાનના તમામ પાયલટોને સતર્ક કર્યા છે. ટેકઓફ અને લેન્ડિંગ સમયે ખાસ ધ્યાન રાખવાની તાકીદ કરી છે. આ સાથે જ જો તીડ હોવાની સૂચના મળે તો ઉડાન ન ભરવા નિર્દેશ અપાયો છે. ઉડ્ડયન મંત્રાલયે કહ્યુ કે જો સૂચના બાદ પણ પાયલટ ઉડાન ભરશે તો તેને ભૂલ ગણવામાં આવશે.

રાજ્યોમાં વધી રહેલો તીડનો આતંક વિમાની સેવા માટે પણ બન્યો ખતરો
ઉડ્ડયન મંત્રાલયે વિમાનના તમામ પાયલટોને કર્યા સતર્ક
એર ટ્રાફિક કંટ્રોલને પણ તીડની સંભવિતતાને લઈને ફ્લાઈટ્સને દિશા નિર્દેશનો આદેશ

આ જગ્યાઓએ તીડનો આતંક બન્યો છે માથાનો દુઃખાવો

ગુજરાત, પંજાબ, યુપી, મહારાષ્ટ્ર અને મધ્યપ્રદેશમાં તીડનો આતંક જોવા મળી રહ્યો છે. રાજસ્થાન સરહદેથી ઘૂસેલા તીડ અન્ય રાજ્યો માટે પણ મુશ્કેલીરૂપ બન્યા છે. તીડના પાકને કારણે મોટાપાયે પાકને નુકસાન થઈ રહ્યું છે અને ખેડૂતો મુશ્કેલીમાં મૂકાયા છે.

રાતના સમયે તીડનો ખતરો રહે છે ઓછો

ડીજીસીએનું કહેવું છે કે તીડના કારણે રાત્રે વિમાન ઉડાન ભરે તો ખતરાની સંભાવના ઓછી હોય છે કારણ કે રાત્રે તીડ નિષ્ક્રિય થઇ જાય છે. પરંતુ આ સમયે એરપોર્ટ પર પાર્ક કરેલા વિમાનોને તીડના ઝૂંડથી ખતરો છે. આ માટે ગ્રાઉન્ડ હેન્ડલિંગ એજન્સીઓને વિમાનના તમામ એયર ઇનલેટ અને પ્રોબ્સને કવર રાખવા કહ્યું છે.

કેન્દ્ર સરકાર પણ તીડ સામે લડવાની કરી રહી છે તૈયારી

દિલ્હી અને પાડોશી રાજ્યોમાં તીડના હુમલાના ખતરાને જોતાં રાષ્ટ્રિય હરિત અધિકરણમાં એક અરજી દાખલ કરવામાં આવી છે. એક એનજીઓની તરફથી કરવામાં આવેલી અરજીમાં કેન્દ્ર સરકારને સ્થિતિથી લડવા માટે એક આપાત યોજના લાગૂ કરવાનું સૂચન કરવાની માંગણી કરવામાં આવી છે.

સંકળાયેલા મુદ્દાઓ