ગુજરાત / અમદાવાદથી ઉના સુધી અકસ્માતોની હારમાળા, 4 દુર્ઘટનામાં ચાર યુવકોના કરૂણ મોત

આજે રાજ્યમાં અકસ્માતની 4 ઘટનાઓ બની છે. જેમાં ચાર લોકોના મોત થયા છે. ગઢડા રોડ ઉપર ભયાનક અક્સ્માત સર્જાયો છે, જ્યાં 2 લોકોના મોત થયા છે જ્યારે વસ્ત્રાલ રિંગરોડ પર અકસ્માતમાં 1નું અને બનાસકાંઠાના ડીસા-સમૌ રોડ પર અકસ્માતમાં 1નું મોત થયું છે.

ગઢડા રોડ ઉપર ભયાનક અક્સ્માત

ઉનામાં ગીર ગઢડા રોડ ઉપર ભયાનક અક્સ્માત સર્જાયો હતો. ખાપટ ગામ પાસે સામસામે બે બાઈક અથડાયા હતા. અકસ્માતમાં બે યુવકોના મોત થયા છે. હરમડીયા ગામના ભરત ઓઘડભાઈ જેઠવા અને વડવિયાળા ગામના રાકેશ બાબુભાઈ સાંખટનું મોત થયું છે.

વસ્ત્રાલ રિંગરોડ પર બાઇક અને ટ્રક વચ્ચે અકસ્માત

અમદાવાદમાં વધુ એક જીવલેણ અકસ્માત સર્જાયો છે. વસ્ત્રાલ રિંગરોડ પર બાઇક અને ટ્રક વચ્ચે અકસ્માત થયો હતો. જેમાં નીતિન ચુનારા નામના યુવકનું મૃત્યુ થયું છે. રોષે ભરાયેલા લોકોએ ટ્રકમાં તોડફોડ કરી હતી. પોલીસે ફરિયાદ નોંધી તપાસ શરુ કરી છે.

ડીસા-સમૌ રોડ પર અકસ્માત

બનાસકાંઠામાં ડીસા-સમૌ રોડ પર અકસ્માત સર્જાયો હતો. બાઈક અને કાર વચ્ચે અકસ્માતમાં બાઇક ચાલક ડોમી સનૌબોનું મોત થયું છે. ડીસા તાલુકા પોલીસ પહોંચી ઘટના સ્થળે પહોંચી તપાસ હાથ ધરી છે.

લખતર-વિરમગામ હાઈવે પર અકસ્માત

સુરેન્દ્રનગરમાં લખતર-વિરમગામ હાઈવે પર કાર ચાલકે સ્ટેરીંગ પર કાબુ ગુમાવતા અકસ્માત સર્જાયો હતો. છારદ ગામના પાટિયા પાસે કાબુ ગુમાવતા કાર રોડની સાઈડમાં ખાડામાં ખાબકી હતી. કારમાં સવાર ચાલક યુવક સહિત બે યુવકોને સામાન્ય ઈજાઓ પહોંચી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ