ક્રિકેટ / રિષભ પંત બાદ હવે KL RAHUL પણ લાકડીને સહારે ચાલતો થયો, સર્જરી પછી શેર કર્યા PHOTOS

• કેએલ રાહુલે સર્જરી પછી પહેલી તસવીર પોસ્ટ કરી
• બાઉન્ડ્રી પર ફિલ્ડિંગ કરતી વખતે ખરાબ રીતે ઘાયલ થયો હતો KL રાહુલ
• રિષભ પંતની પણ આવી જ એક તસવીર સોશિયલ મીડિયા પર વાયરલ થઈ હતી

થોડા દિવસો પહેલા રિષભ પંતની ક્રેચ(લાકડી)સાથેની તસવીરે હેડલાઇન્સ બનાવી હતી. હવે કેએલ રાહુલની પણ આ જ તસવીર સામે આવી છે. જણાવી દઈએ કે કેએલ રાહુલે સર્જરી પછીની તેની પ્રથમ તસવીર સોશિયલ મીડિયા પર પોસ્ટ કરી છે, જેમાં તે ક્રેચ(લાકડી)ની મદદથી ચાલતો જોવા મળી રહ્યો છે.

IPL 2023 માં KL રાહુલ લખનૌ સુપર જાયન્ટ્સનો કેપ્ટન હતો. આ જ સિઝનની એક મેચમાં તે બાઉન્ડ્રી પર ફિલ્ડિંગ કરતી વખતે ખરાબ રીતે ઘાયલ થયો હતો. તેની સાથળમાં ઈજા થઈ હતી. શરૂઆતમાં તે કેટલીક મેચમાંથી બહાર થઈ ગયો હતો પણ તપાસ રિપોર્ટમાં જ્યારે તેની ઈજાની ગંભીરતા સામે આવી ત્યારે સર્જરી કરવામાં આવી હતી. સર્જરી બાદ સોશિયલ મીડિયા પર શેર કરવામાં આવેલી તસવીરોમાં કેએલ રાહુલ એકલો નથી. તેની પત્ની આથિયા પણ તેની સાથે છે. પ્રથમ તસવીરમાં કેએલ રાહુલ ક્રેચની મદદથી વિદેશી રસ્તા પર ચાલતો જોવા મળે છે. બીજા ફોટામાં આથિયા પણ તેની સાથે છે. જ્યારે ત્રીજા ફોટામાં તે વોકરની મદદથી ચાલતો જોવા મળે છે.

 

 

 

 

View this post on Instagram

 

 

 

 

 

 

 

 

 

 

 

A post shared by KL Rahul👑 (@klrahul)

જણાવી દઈએ કે આ પહેલા રિષભ પંતની પણ આવી જ એક તસવીર સોશિયલ મીડિયા પર વાયરલ થઈ હતી, જેમાં તે પણ ક્રેચના સહારે ચાલતો જોવા મળ્યો હતો. તે તસવીર પંતે પોતે શેર કરી હતી. 

રિષભ પંત રોડ અકસ્માતમાં ઘાયલ થયો હતો. જો કે, તે હવે સ્વસ્થ છે. કેએલ રાહુલની તસવીરો પરથી એ પણ સ્પષ્ટ થાય છે કે તેની ઈજામાં પણ સુધારો થઈ રહ્યો છે. જોકે તેને સંપૂર્ણ સ્વસ્થ થવામાં બેથી ત્રણ મહિનાનો સમય લાગશે. સાથળની ઈજાને કારણે કેએલ રાહુલને આઈપીએલ 2023માંથી બહાર થવું પડ્યું છે. આ સિવાય તેને વર્લ્ડ ટેસ્ટ ચેમ્પિયનશિપની અંતિમ ટીમમાંથી પણ બહાર કરી દેવામાં આવ્યો છે. ટીમમાં તેના સ્થાને ઈશાન કિશનની પસંદગી કરવામાં આવી છે.