છેલ્લા થોડા સમયથી બોલીડમાં લગ્નની સિઝન ચાલી રહી છે. રિપોર્ટ અનુસાર થોડા દિવસ પહેલા તાપસી પન્નુએ લગ્ન કરી લીધા છે. એવામાં હવે બૉલીવુડની જાણીતી અભિનેત્રી અદિતી રાવ હૈદરીની લાઈફને લઈને એક મોટી અપડેટ સામે આવી છે.
'રોકસ્ટાર', 'મર્ડર 3', 'ફિતૂર' અને 'પદ્માવત' જેવી ફિલ્મોમાં જોવા મળેલી અભિનેત્રી અદિતિ રાવ હૈદરી છેલ્લા કેટલાક સમયથી તેના અંગત જીવનને કારણે ચર્ચામાં છે. તે સાઉથ એક્ટર સિદ્ધાર્થને ડેટ કરી રહી છે. હવે સમાચાર આવ્યા છે કે અદિતિ અને સિદ્ધાર્થે તેલંગાણાના એક મંદિરમાં લગ્ન કરી લીધા છે.
સોશિયલ મીડિયા પર આ સમાચાર વાયરલ થતાની સાથે જ ફેન્સ આ નવા કપલને ઘણી બધી શુભકામનાઓ આપી રહ્યા છે. અહેવાલ મુજબ, સિદ્ધાર્થ અને અદિતિએ આજે તેલંગાણાના વાનપર્થી જિલ્લાના શ્રીરંગાપુરમાં શ્રી રંગનાયકસ્વામી મંદિરમાં લગ્ન કર્યા હતા.
આ લગ્નમાં તેમના પરિવાર અને નજીકના મિત્રો હાજર રહ્યા હતા. જો કે આ વિશે કોઈ સત્તાવાર માહિતી સામે આવી નથી પણ એવી અપેક્ષા રાખવામાં આવે છે કે અદિતિ-સિદ્ધાર્થ ટૂંક સમયમાં તેમના ચાહકો સાથે આ સારા સમાચાર શેર કરશે.
વધુ વાંચો: 'ફિલ્મનું ટ્રેલર ખૂબ પસંદ પડ્યું પરંતુ રેકોર્ડ...', બડે મિયાં છોટે મિયાંને લઇ સલમાન ખાને આ શું કહ્યું
સિદ્ધાર્થનું પૂરું નામ સિદ્ધાર્થ સૂર્યનારાયણ છે અને તે સાઉથના જાણીતા અભિનેતા છે. સાથે જ એમને કેટલીક હિન્દી ફિલ્મોમાં કામ કર્યું છે. એક્ટર હોવા ઉપરાંત સિદ્ધાર્થ પ્રોડ્યુસર અને સિંગર પણ છે. જાણીતું છે કે સિદ્ધાર્થ અને અદિતિએ 2021માં આવેલી ફિલ્મ 'મહા સમુદ્રમ'માં સાથે કામ કર્યું છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
