કામની વાત / હવેથી મોબાઇલમાં પહેલેથી નહીં મળે Aadhaar App, જાણો સરકારનો નિર્ણય

ભારત સરકારે સ્માર્ટફોનમાં આધાર એપ પ્રી-ઇન્સ્ટોલ કરવાની યોજના પાછી ખેંચી લીધી છે. UIDAI એ આ નિર્ણયની પુષ્ટિ કરતા સ્પષ્ટ કર્યું છે કે હવે યૂઝર્સએ પોતે જ એપ ડાઉનલોડ કરવી પડશે. આ પ્રસ્તાવ પહેલા આ વર્ષની શરૂઆતમાં ચર્ચા થઈ હતી, પરંતુ એપલ અને સેમસંગ જેવી મોટી કંપનીઓએ સુરક્ષા અને ખર્ચ અંગેની ચિંતાઓને કારણે આ પગલાનો વિરોધ કર્યો હતો. આ વિકાસ બાદ, સરકારે ઉદ્યોગ જગતની સલાહને ધ્યાનમાં લેતા, પોતાનો નિર્ણય પાછો બદલી લીધો છે.

રોઇટર્સના રિપોર્ટ મુજબ, કેન્દ્ર સરકારે તે યોજનાને રદ કરવાનો નિર્ણય લીધો છે જેના હેઠળ સ્માર્ટફોન કંપનીઓને તેમના મોબાઇલ ફોન પર 'આધાર એપ' પ્રી-ઇન્સ્ટોલ કરવાની ફરજ પાડવામાં આવતી હતી. રોઇટર્સના અહેવાલ મુજબ, યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) એ શુક્રવારે આ નિર્ણયની પુષ્ટિ કરી.

શું છે આધાર એપ પ્રી ઇનસ્ટોલ પ્રસ્તાવ

સરકારે પ્રસ્તાવ મૂક્યો હતો કે, ભારતમાં વેચાતા તમામ સ્માર્ટફોનમાં આધાર એપ પહેલાથી ઇન્સ્ટોલ કરેલી હોવી જોઈએ જેથી નાગરિકોને તેને અલગથી ડાઉનલોડ ન કરવુ પડે. UIDAI એ આ પ્રસ્તાવ પર ઇલેક્ટ્રોનિક્સ અને આઇટી મંત્રાલય સાથે ચર્ચા કરી હતી. રિપોર્ટ અનુસાર, આ વિચારની સમીક્ષા કર્યા પછી, મંત્રાલયે તેને ફરજિયાત બનાવવાનો નિર્ણય લીધો નથી.

UIDAI એ રોઇટર્સને જણાવ્યું હતું કે, મંત્રાલય હવે સ્માર્ટફોન પર આધાર એપ ફરજિયાત રીતે પ્રી-ઇન્સ્ટોલ કરવાના પક્ષમાં નથી. આધાર એ 12-અંકની ઓળખ સિસ્ટમ છે જે ફિંગરપ્રિન્ટ્સ અને આઇરિસ સ્કેન સાથે જોડાયેલી છે, અને તેનો ઉપયોગ બેંકિંગ અને ટેલિકોમ સેવાઓમાં થાય છે.

કંપનીઓનો વિરોધ અને સુરક્ષા ચિંતાઓ

એપલ અને સેમસંગ જેવી મોટી સ્માર્ટફોન કંપનીઓએ આ પ્રસ્તાવનો સખત વિરોધ કર્યો હતો. કંપનીઓએ દલીલ કરી હતી કે તે સુરક્ષા જોખમો વધારી શકે છે અને વિવિધ બજારો માટે ઉત્પાદન પ્રક્રિયાઓને જટિલ બનાવી શકે છે. વધુમાં, ખાસ કરીને ભારત માટે એક અલગ ઉત્પાદન લાઇન સ્થાપિત કરવાની જરૂર પડી હોત, જેનાથી ખર્ચમાં વધારો થયો હોત. સ્માર્ટફોન ઉત્પાદકોએ એવી પણ ચિંતા વ્યક્ત કરી હતી કે પહેલાથી ઇન્સ્ટોલ કરેલી એપ્લિકેશનો તેમના ડિવાઇસ વૈશ્વિક સુરક્ષા ધોરણો સાથે ચેડા કરી શકે છે. પરિણામે ઉદ્યોગ તરફથી મળેલા ફીડબેક સરકારના નિર્ણયમાં મુખ્ય ભૂમિકા ભજવી હતી.

આ પણ વાંચોઃ હવે વાંચતા જ Hide થઇ જશે તમારો WhatsApp મેસેજ, આવી રહ્યું છે જોરદાર ફીચર

પહેલા પણ થઇ ચુક્યા છે એવા પ્રયત્ન

આ પહેલી વાર નથી જ્યારે સરકારે આવું પગલું ભરવાનો પ્રયત્ન કર્યો હોય. રિપોર્ટ અનુસાર, છેલ્લા બે વર્ષમાં આ છઠ્ઠી ઘટના હતી જ્યાં સ્માર્ટફોન પર સરકારી એપ્સ પ્રી-ઇન્સ્ટોલ કરવાનો પ્રસ્તાવ મૂકવામાં આવ્યો હતો. આ પહેલા ડિસેમ્બરમાં ટેલિકોમ સિક્યુરિટી એપને પણ પ્રી-ઇન્સ્ટોલ કરવાનો આદેશ જારી કરવામાં આવ્યો હતો - જે આદેશ થોડા દિવસો પછી પાછો ખેંચી લેવામાં આવ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ