ચોંકાવનારો કિસ્સો / કારમાં દર્દી સાથે સેક્સ માણી રહી હતી નર્સ, બન્યું એવું કે ઢળી પડ્યો દર્દી, આંખના પલકારામાં ગયો જીવ

• બ્રિટનની એક હોસ્પિટલમાં નર્સ અને દર્દીના અનૈતિક સંબંધનો ચોંકાવનારો કિસ્સો
• શારીરિક સંબંધ બાંધતી વેળાએ દર્દીનું મોત 
• દર્દી સાથે નર્સને લાંબા સમયથી રિલેશનશિપ હતી

બ્રિટનની એક હોસ્પિટલમાં નર્સ અને દર્દીના અનૈતિક સંબંધનો ચોંકાવનારો કિસ્સો સામે આવ્યો છે. જેમાં નર્સ શારીરિક સંબંધ બાંધી રહી હતી. આ દરમિયાન દર્દીનું મોત નીપજતા સમગ્ર પ્રકરણ બહાર આવ્યુ હતું. જેને લઇને હોસ્પિટલ સ્ટાફ દ્વારા નર્સ સામે કાર્યવાહી કરી તેને નોકરીમાંથી કાઢી મૂકવામાં આવી હતી. જોકે નર્સે પણ આ મામલો સ્વીકાર્યો હતો કે તેને દર્દી સાથે લાંબા સમયથી રિલેશનશિપ હતી. દર્દી તેની અંતિમ ક્ષણો દરમિયાન નર્સ સાથે હોસ્પિટલના પાર્કિંગમાં કારની પાછળ મળી આવ્યો હતો.આ દરમિયાન તેનું મોત નીપજ્યું હતું. નર્સ પર આરોપ છે સંભોગ દરમિયાન જ્યારે દર્દી પડી ગયો હતો તો તેણે પોતાનું પાપ ઢાકવા માટે એમ્બ્યુલન્સને ફોન ન કર્યો હતો. જેને લઈને સારવારમાં વિલંબ થતા દર્દીનું મોત નીપજ્યું હતું. 

સહકર્મીઓ આ સબંધની વાકેફ

દર્દી એક હોસ્પિટલમાં ડાયાલિસિસની સારવાર કરાવી રહ્યો હતો. આ દરમિયાન તેનું મોત નિપજ્યું હતું. દર્દીનું મૃત્યુ કાર્ડિયાક અરેસ્ટ અને ક્રોનિક કિડની રોગને કારણે થયાના અહેવાલો મળી રહ્યા છે. આ મામલે પેનલ તપાસની માંગ ઉઠી રહી છે. મહત્વનું છે કે છે કે જે લોકો વિલિયમ્સ નામની આ નર્સ સાથે કામ કરતા હતા તેઓ દર્દી સાથેના તેના સંબંધો મામલે જાણતા હતા. જેમાં કેટલાક લોકોએ આમ ન કરવા અંગે માહિતી પણ અપાઈ હતી. જોકે નર્સે આ માહિતીને ગણકારી ન હતી.

પાપ ઢાકવા માટે પોતે માત્ર વાતો કરતી હોવાનો ડોળ કર્યો

જ્યારે મોત મામલે માહિતી મળતાની સાથે જ મેડિકલ ઈમરજન્સી ટીમ જ્યારે પાર્કિંગમાં પહોંચી ત્યારે મૃતક દર્દી આંશિક રીતે નગ્ન હાલતમાં મળી આવ્યો હતો. નર્સ પર આરોપ છે કે તેણે માત્ર તેના વ્યવસાયની સજાવટનું ઉલ્લંઘન કર્યું નથી, પરંતુ સમયસર એમ્બ્યુલન્સ બોલાવવાનો પ્રયાસ પણ કર્યો નથી. એવું કહેવામાં આવી રહ્યું છે કે જ્યારે દર્દી બેહોશ થઈ ગયો, ત્યારે મહિલાએ પહેલા તેના એક સાથીને કાર પાસે બોલાવ્યો હતો. સ્થળ પર પહોંચેલા વ્યક્તિએ તેને એમ્બ્યુલન્સ બોલાવવાનું કહ્યું, પરંતુ તેણે તેની પણ અવગણના કરી હતી. કારણ કે પોતાનો ભાંડો ફૂટી જવાનો ડર હતો.  બાદમાં નર્સે પોતાનું પાપ ઢાકવા માટે પોતે માત્ર વાતો કરતી હોવાનો ડોળ કર્યો હતો.