આસામ / છે ને ગજબનો માણસ ! જીવતેજીવ છપાવ્યું પોતાનું ડેથ સર્ટિફિકેટ, ખોવાયું તો આપી આવી જાહેરાત

• આસામના એક શખ્સે કઢાવ્યું હતું પોતાનું ડેથ સર્ટિફિકેટ
• ખોવાઈ જતા આપી જાહેરાત
• ક્યાં પહોંચાડવું છે કે સ્વર્ગ કે નર્ક- યૂઝરની કોમેન્ટ 
• છાપાનું કટિંગ વાયરલ થયું 

ઈન્ટરનેટની દુનિયામાં સોશિયલ મીડિયા પર કંઈ વસ્તુ ક્યારે વાયરલ થઈ જાય તેની જરા પણ ખબર રહેતી નથી. આસામના માણસે છાપામાં આપેલી જાહેરખબર જોઈને મગજ ફરી જશે અને તેની આ જાહેરખબરને સોશિયલ મીડિયા પર પાંખ આવી છે. 

It happens only in #India😂😂😂 pic.twitter.com/eJnAtV64aX

— Rupin Sharma (@rupin1992) September 18, 2022

ખોવાયેલા ડેથ સર્ટિફિકેટની જાહેરખબર આપી 
આસામના એક માણસે જીવતેજીવ પોતાનું ડેથ સર્ટિફિકેટ કઢાવ્યું હતું જે ખોવાઈ જતા તેણે છાપામાં જાહેરખબર આપી હતી અને હવે તેની આ જાહેરખબર વાયરલ થઈ છે. વાયરલ થઈ રહેલી જાહેરખબર વાંચતા એવું જાણવા મળે છે આ શખ્સે થોડા સમય પહેલા જીવતેજીવ પોતાના મોતનું સર્ટિફિકેટ બનાવ્યું હતું જે કોઈ ખોવાયું હતું. આથી તેણે જાહેરખબર આપી હતી જેમાં તેણે લખ્યું કે મારુ ડેથ સર્ટિફિકેટ ખોવાયું છે જેમને મને તે નીચેના સરનામાએ પહોંચાડે. રસપ્રદ વાત એ છે કે આ શખ્સે જાહેરાતમાં ડેથ સર્ટિફિકેટ ગુમાવવાની તારીખ, સ્થળ, સમય અને રજિસ્ટ્રેશન નંબર આપ્યો છે. જાહેરાતમાં આપવામાં આવેલું સરનામું આસામનું છે.

સ્વર્ગ કે નર્ક ક્યાં પહોંચાડવું છે- યૂઝરની કોમેન્ટ 
જીવતા માણસનું ડેથ સર્ટિફિકેટ વાયરલ થયા બાદ લોકોએ પણ મજાની કોમેન્ટ કરી હતી. એક યુઝરે કરી કોમેન્ટ - પ્રિન્ટર શાનદાર છે. બીજાએ લખ્યું- જો મળી જાય તો સર્ટિફિકેટને સ્વર્ગમાં કે નર્કમાં ક્યાં પહોંચાડવાનું છે. આ જાહેરાત આઈપીએસ અધિકારી રૂપિન શર્માએ પોતાના ટ્વિટર એકાઉન્ટ પર શેર કરી છે.