મહાદાન / 3 વર્ષના દીકરાનું અકસ્માતે મોત થતાં પરિવારે કર્યું ચક્ષુદાન, પિતાએ રડતા રડતા જે કહ્યું તે જાણીને ભાવૂક થઈ જશો

• સુરતમાં અજાણ્યા વાહનચાલકે બાળકને લીધો અડફેટે
• બાળકનું મૃત્યુ થતા પરિવાર શોકમગ્ન 
• 3 વર્ષના વ્હાલસોયાની આંખો પરિવારે ડોનેટ કરી

સુરતના સિટીલાઈટના સૂર્યપ્રકાશ રેસિડેન્સી કેમ્પસમાં અજાણ્યા વાહનચાલકની અડફેટે સાડા ત્રણ વર્ષનું બાળક માસૂમ કચડાઈ જતા બાળકનું મોત થયું હતું.  તાત્કાલિક ઉમરા પોલીસે આ બાબતે અકસ્માતનો ગુનો નોંધી તપાસ શરૂ કરી છે. પણ બાળકના મોતમાં ગરકાવ તેની આંખનું ડોનેટ કર્યું છે.

અજાણ્યા કાર ચાલકે બાળકને કચડી માર્યો
સુરતના પીપલોદ વિસ્તારમાં ગુરુવારની મોડી સાંજે બનેલી ઘટનામાં એક સાડા ત્રણ વર્ષ નું બાળક પોતાના ઘર નીચે રમી રહ્યો હતો તે દરમ્યાન કોઈ અજાણ્યા કાર ચાલક દ્વારા અડફેટમાં લેતા બાળકને ઈજા થઈ હતી અને જેથી બાળકને તાત્કાલિક સોસાયટીના લોકો હોસ્પિટલ લઈ ગયા હતા પણ બાળકનું સારવાર દરમિયાન મોત થયું હતું. બાદમાં સમગ્ર ઘટનાની ઉમરા પોલીસને જાણ કરવામાં આવતા પોલીસની ટીમ ઘટના સ્થળે પહોંચી હતી.

એની આંખ કોઈનામાં જીવીત રહેશે તો અમને જોશે : પરિવાર
માસૂમના મૃતદેહને જોઈ પરિવાર શોકમાં ગરકાવ થઈ ગયો  છે. પણ બાળકના મોત બાદ પણ પરિવાર દ્વારા એની આંખ કોઈનામાં જીવીત રહેશે તો અમને જોશે. જે સમજીને સાડાત્રણ વર્ષના બાળકની આંખ ડોનેટ કરી. વધુમાં પરિવારે કહ્યું કે ભલે અમારા કુળમાં અંધારું થયું હોય પણ બીજા બાળકને નવજીવન આપી તેના જીવનમાં અજવાળું કરીશું. તો તેમને પણ લાગશે કે તેમનો બાળક પોતાની આંખે અમને જોઈ રહ્યો છે. વ્હાલ કરી રહ્યો છે. આમ સારો વિચાર કરી બાળકની આંખો ડોનેટ કરવાની પરિવારે ઈચ્છા દર્શાવી હતી જે બાદ મૃતક બાળકની  આંખો લોક દૃષ્ટિ ચક્ષુ બેંકે સ્વીકારી હતી. બાળકની દાનમાં મળેલી આંખો કોઈ બે વ્યક્તિની અંધારી દુનિયાને રંગીન જરૂર કરશે.

હાલ તો ઉમરા પોલીસે આજુબાજુના  સીસીટીવીની શોધખોળ કરી કાર ચાલકને પકડવાના પ્રયત્નો કરી છે. અચાનક બાળકની વિદાયથી પરિવાર શોકમગ્ન બન્યો છે. પણ સામે બાળકની આખોનું દાન કરી સમાજને સારો સંદેશો આપ્યો છે. અને અન્ય બાળકના જીવનમાં અજવાળું કરી નાખ્યું છે.