નિરાશા / 63 દિવસમાં તાલાલા માર્કેટિંગ યાર્ડને 1 લાખ 13 હજાર બોક્સની આવક, છતાં ગીર પંથકના ખેડૂતો કેમ નિરાશ, જાણો કારણ

• ગીરસોમનાથ, કેરીની સીઝન સત્તાવાર રીતે પૂર્ણ 
• 63 દિવસ ચાલી કેરીની સીઝન 
• 1 લાખ 13 હજાર બોક્સની આવક 

આ વર્ષની કેરીની સીઝન સત્તાવાર રીતે પૂર્ણ થઈ છે. 63 દિવસ દરમિયાન 10 કિલોના 1,13,540 જેટલા બોક્સની આવક તાલાલા માર્કેટિંગ યાર્ડમાં થઈ હતી. 300 ટન જેટલી કેરીની નિકાસ વિદેશમાં નોંધાઈ છે. કમોસમી વરસાદ અને રોગ જીવાતની સાથે અન્ય પ્રતિકૂળ પરિસ્થિતીની વચ્ચે સારું ઉત્પાદન હોવા છતાં પણ ખેડૂતોને કેસર કેરીના પોષણક્ષમ ભાવ નહીં મળતા ગીર પંથકનો ખેડૂત કેરીના ભાવને લઈને ચિંતીત બન્યો છે. જે કેરીની નિકાસ વિદેશમાં કરવામાં આવી છે તેના બજાર ભાવો પ્રમાણમાં ખૂબ સારા મળ્યા છે. જેને લઇને જે ખેડૂતોની કેરી વિદેશમાં નિકાસ થઈ છે. તે વર્ગમાં ખુશી જવા મળે છે પરંતુ સ્થાનિક બજારમાં કેરીના સરેરાશ બજાર ભાવ 425 ની આસપાસ જોવા મળ્યા છે જેને લઈને ખેડૂતોમાં ચિંતા જોવા મળે છે. તો કચ્છમાં વાવાઝોડાને લઈને કેરીના પાકનું કચ્ચરઘાણ નીકળ્યું છે.

300 ટન કેરી વિદેશ મોકલાઈ
આ વર્ષે આંબામાં મોર આવવાનું પ્રમાણ ત્રણ તબક્કામાં જોવા મળ્યુ હતું પ્રથમ અને બીજા તબક્કામાં આવેલા મોરને કમોસમી વરસાદ અને અન્ય પ્રતિકૂળતાને કારણે નુકસાન થયું હતું. જેને કારણે ત્રીજા તબક્કામાં આવેલા મોર પર કેરીનું આવરણ થયું હતું જેને કારણે કેરીની સીઝન 63 દિવસ સુધી લંબાયેલી જોવા મળી  આ વર્ષે કેરીની સીઝનની શરૂઆત એક  અઠવાડિયા વહેલી શરૂ કરવામાં આવી હતી.

પોષણક્ષમ ભાવ ન મળતા ખેડૂત ચિંતિત
આવકમાં બમ્પર વધારો પરંતુ સરેરાશ બજાર ભાવો નીચા જોવા મળતા પુષ્કળ ઉત્પાદનની વચ્ચે બજાર ભાવોને લઈને ખેડૂતોમાં કોઈ ખાસ વિશેષ ઉત્સાહ જોવા મળતો નથી. ઉત્પાદન વધવાની સાથે કમોસમી વરસાદ અને રોગ જીવાતની સાથે અન્ય પ્રતિકૂળ પરિસ્થિતીની વચ્ચે સારું ઉત્પાદન હોવા છતાં પણ ખેડૂતોને કેસર કેરીના પોષણક્ષમ ભાવ નહીં મળતા ગીર પંથકનો ખેડૂત કેરીના ભાવને લઈને ચિંતીત બન્યો છે.

કમોસમી વરસાદની અસર વર્તાઈ

આ વર્ષે 300 ટન જેટલી કેસર કેરીની નિકાસ લંડન, કેનેડા સહિત યુરોપના દેશોમાં કરવામાં આવી છે જે પૈકી 100 ટન કેસર કેરીની નિકાસ તાલાલા માર્કેટિંગ યાર્ડ દ્વારા યુરોપના દેશોમાં કરવામાં આવી છે તો બીજી તરફ 200 ટન ની આસપાસ કેસર કેરીની નિકાસ ખેડૂતો દ્વારા એજન્સીઓના સહકારથી વિદેશમાં કરી છે જે કેરીની નિકાસ વિદેશમાં કરવામાં આવી છે તેના બજાર ભાવો પ્રમાણમાં ખૂબ સારા મળ્યા છે જેને લઇને જે ખેડૂતો ની કેરી વિદેશમાં નિકાસ થઈ છે તે વર્ગમાં ખુશી જવા મળે છે પરંતુ સ્થાનિક બજારમાં કેરીના સરેરાશ બજાર ભાવ 425 ની આસપાસ જોવા મળ્યા છે જેને લઈને ખેડૂતોમાં ચિંતા જોવા મળે છે.