નિયુક્તિ / કાગવડમાં નરેશ પટેલની હાજરીમાં ખોડલધામ સમાજના આગેવાનોની બેઠકમાં લેવાયો મોટો નિર્ણય

દેશ અને દુનિયામાં વસતા પાટીદાર સમાજના આસ્થાના કેન્દ્ર સમા કાગવડના ખોડલધામમાં રવિવારે  સમાજના આગેવાનોની એક તાકીદની બેઠક મળી હતી. ખોડલધામના પ્રમુખ નરેશ પટેલ ના અધ્યક્ષ સ્થાને મળેલી બેઠકમાં 28 જિલ્લાના કન્વીનરોની વરણી કરવામાં આવી હતી. અમદાવાદ શહેર જિલ્લાના કન્વીનર તરીકે લેઉવા પટેલ સમાજના આગેવાન અને જાણીતા ગાયનોકોલોજિસ્ટ ડોક્ટર સુરેશ પટેલની વરણી કરવામાં આવી છે. સુરત શહેરનો હવાલો યુવા આગેવાન ધાર્મિક માલવિયાને સોંપવામાં આવ્યો છે.જ્યારે અમદાવાદ શહેર જિલ્લાના સહ કન્વીનર તરીકે નરસિંહભાઈ કાનાણીની નિયુક્તિ કરવામાં આવી હતી અને મહિલા કન્વીનરનો હવાલો સોનલબેન પટેલને સોંપાયો છે. પ્રમુખ નરેશભાઇ પટેલે તમામ આગેવાનોને સમાજના ઉત્થાન માટે આગળ હાકલ કરી હતી પ્રમુખ નરેશ પટેલે તમામ આગેવાનોને સમાજના ઉત્થાન માટે આગળ હાકલ કરી હતી. કાગવડ ખાતે આવેલું ખોડલધામ લેઉવા પાટીદારોનું શિરોમાન્ય ધાર્મિક સ્થળ છે.