જરૂરી વાત / સરકારી કર્મચારીઓ માટે મહત્વના સમાચાર, આ નિયમ તોડવા પર મોદી સરકાર લઈ શકે છે કડક એક્શન

• મોદી સરકાર લેવા જઈ રહી છે એક્શન 
• સરકારની આ સુવિધામાં પૈસા લગાવ્યા છે તો વાંચી લેજો 
• નિયમો તોડનાર પર કાર્યવાહીની તૈયારી 
   

કેન્દ્રીય કર્મચારીઓને સરકાર સમય સમય પર ઘણા પ્રકારની સુવિધાઓ આપી રહી છે. એવી જ એક સુવિધા છે હાઉસ બિલ્ડિંગ એડવાન્સ, જે કર્મચારીઓને ઘર બનાવવા માટે આપે છે. જો તમે પણ સરકારની આ સુવિધા હેઠળ પૈસા લગાવ્યા છે અને તેનો ઉપયોગ નિયમો અનુસાર ઘર બનાવવામાં નથી કર્યો તો તમારા માટે મુશ્કેલીઓ વધી શકે છે. સરકાર હવે એવા કર્મચારીઓ પર કાર્યવાહી કરવાની તૈયારીમાં છે. 

નિયમો તોડનાર પર કાર્યવાહીની તૈયારી 
સરકારે આ આદેશ જાહેર કર્યો છે કે એવા કર્મચાકીઓ જેમણે મકાન અથવા ફ્લેટ બનાવવા અથવા ખરીદવા માટે પૈસા ઉઠાવ્યા છે. તેમને House Building Advance Rules (HBA)-2017ના રૂલ 7bનુ કડકાઈથી પાલન કરવાનું રહેશે. જો આ નિયમોમાં બેદરકારી કરવામાં આવી તો તેના પર કડકકાર્યવાહી કરવામાં આવી શકે છે. ડિપાર્ટમેન્ટ ઓફ પોસ્ટમાં ADG ડીકે ત્રિપાઠીના જણાવ્યા અનુસાર HBA લેનાર કર્મચારી આ નિયમોનું પાલન નથી કરી રહ્યા. કારણ કે તેમને લાગે છે કે આમ કરવાથી તે આરામથી બચી શકશે. પરંતુ અમે આ વિશે દરેક સર્કલમાં નોટિસ મેકલી દીધી છે અને આ આદેશ જાહેર કર્યો છે કે તેના પર તરત અમલ કરવામાં આવે. 

શું હોય છે Rule 7b
આ નિયમ હેઠળ હાઉસ બિલ્ડિંગ એડવાન્સ લેનાર કર્મચારીઓને પોતાના મકાનનો વીમો કરાવવાનો રહેશે. જેનો ખર્ચ જાતે જ ઉઠાવવાનો રહેશે. તેની એક શરત એ પણ છે કે વિમાની રકમ HBAની રકમ બરાબર હોવી જોઈએ. ડીએ ત્રિપાઠીનું કહેવું છે કે 'રૂલ બુક અનુસાર ઘરનો વિમો ઈન્શ્યોરન્સ રેગ્યુલેટર IRDAથી માન્યતા પ્રાપ્ત વીમા કંપની પાસેથી લેવાનો રહેશે અને પોલિસીની કોપીને પોતાના ડિપાર્ટમેન્ટમાં જમા કરાવવાનું રહેશે.'