સલામ / દેવદૂત બન્યા NDRFના જવાનો: રૂપેણ બંદરમાંથી 70 લોકોનું રેસ્ક્યૂ, પોતાના જીવની પરવા કર્યા વિના લોકોના જીવ બચાવ્યા

• દેવદૂત બન્યા NDRFના જવાનો 
• કચ્છ-દ્વારકામાંથી લોકોનું રેસ્ક્યૂ
• રૂપેણ બંદરમાંથી 70 લોકોનું રેસ્ક્યૂ

બિપરજોયે દ્વારકા અને કચ્છ જિલ્લામાં તબાહી મચાવી છે. જ્યાં જુઓ ત્યાં તહેસ નહેસ કરી નાખ્યું છે. તેવામાં આ તોફાની વાવાઝોડા વચ્ચે ફરી એકવાર NDRF જવાનો દેવદૂત બનીને સામે આવ્યા છે. અને અનેક લોકોના જીવ બચાવ્યા છે. તમે જે દ્રશ્યો જોઈ રહ્યા છો તે દ્વારકાના રૂપેણ બંદરના છે. જ્યાં તોફાની પવન સાથે અનરાધાર વરસાદ પડ્યો છે. 

માંડવીના બગીચાબાગમાંથી રેસ્ક્યૂ ઓપરેશન 
બંદરના નિચાણ વાળા ભાગમાં 70 જેટલા લોકો ફસાઈ ગયાં હતાં. જેમનું કેડસમા પાણી વચ્ચેથી NDRFના જવાનોએ રેસ્ક્યૂ કર્યું છે. બાળકોને પોતાના ખભા પર બેસાડીને જવાનો રેસ્ક્યૂ કર્યું છે. તો મોટેરાના હાથ પકડીને પાણીમાંથી બહાર લાવી રહ્યા છે. આમ NDRFના જવાનોએ પોતાના જીવની પરવા કર્યા વીના 70 લોકોના રૂપણે બંદર પરથી જીવ બચાવ્યા છે. કચ્છમાં બિપરજોયે વરસાવેલા કહેર છે. જોકે આ કહેર વચ્ચે પણ છાતી સમા પાણીની વચ્ચે અનેક કિલોમીટર સુધી ચાલીને NDRFના જવાનોએ લોકોના જીવ બચાવ્યા છે.

પોતાના જીવની પરવા કર્યા વિના લોકોના જીવ બચાવ્યા
માંડવીના બગીચાબાગ નગરપાલિકા વિસ્તારના છે. વાવાઝોડાના કારણે અહીં કેટલાક લોકો ફસાઈ ગયાં હતાં. રસ્તા પર ગાડીઓ પણ ડૂબી ગઈ હતી. જે દરમિયાન લોકો ફસાયાની માહિતી મળતા જ NDRFના જવાનો છાતી સમા પાણીમાં ચાલીને ફસાયેલા લોકો સુધી પહોંચ્યા હતા અને બાળકો સહિતના લોકોનો જીવ બચાવ્યો હતા. આમ સાચા અર્થમાં આજે NDRFના જવાનો કચ્છ અને દ્વારકા વાસીઓ માટે દેવદૂત બનીને સામે આવ્યા હતા.