અંગદાન / 5 લોકોને નવી જિંદગી આપતાં ગયા સુરતના 64 વર્ષીય બ્રેઇન ડેડ શૈલેષભાઈ, કરાયું લીવર, કિડની અને ચક્ષુનું દાન

• સુરત શહેરમાં વધુ 1 વ્યક્તિ દ્વારા કરાયું અંગદાન
• 64 વર્ષીય શૈલેષભાઈનું બ્રેઇન ડેડ થતાં કરાયું અંગદાન
• શૈલેષભાઈના અંગદાનથી 5 વ્યક્તિને મળ્યું જીવનદાન

સુરત શહેરમાં વધુ 1 વ્યક્તિ દ્વારા અંગદાન કરવામાં આવ્યું છે. 64 વર્ષીય શૈલેષભાઈનું બ્રેઈન ડેડ થતા અંગદાન કરાયું હતું. શૈલેષભાઈનાં અંગદાનથી 5 વ્યક્તિને નવું જીવનદાન મળ્યું છે. લીવર, કિડની અને ચક્ષુનું દાન કરવામાં આવ્યું હતું. લીવર સુરતની કિરણ હોસ્પિટલમાં ટ્રાન્સપ્લાન્ટ કરાયું હતું. લીવર વાપીનાં વ્યક્તિમાં કિરણ હોસ્પિટલાં ટ્રાન્સપ્લાન્ટ કરાશે. દાનમાં આવેલી બંને કિડની અમદાવાદમાં ટ્રાન્સપ્લાન્ટ કરાશે. સુરત અને દક્ષિમ ગુજરાતમાંથી અત્યાર સુધી 1122 અંગો અને ટીસ્યુનું દાન મળ્યું છે. 

મારા પપ્પા નથી પરંતું તેમના થકી અન્યની જીંદગી બચે છેઃ અંગદાન કરનાર વ્યક્તિની દિકરી

આ બાબતે અંદાન કરનારની દિકરીએ જણાવ્યું હતું કે, મારા પપ્પાને બ્રેઈન ડેડ જાહેર કરવામાં આવ્યા છે.  તેમને અચાનક જ બ્રેઈન ડેડ થઈ ગયું હતું. ત્યારે તેઓને હોસ્પિટલમાં દાખલ કર્યા જે બાદ ડોનેટ લાઈફનાં ફાઉન્ડર નિલેશભાઈનો અમે સંપર્ક કર્યો અને તેઓએ અમને અંગદાનનું મહત્વ સમજાવ્યું. જે બાદ અમને એવું લાગ્યું કે આજે મારા પપ્પા નથી. પરંતું એમના થકી બીજાની જીંદગી બચતી હોય તો આપણે તે પગલું લેવું જોઈએ. અને આજે અમે સહ પરિવારની સહમતીથી આ નિર્ણય લીધો.  અને મારા પપ્પાના અંગદાન તરફથી મંજૂરી આપી. જેથી કરીને લીવર, ચક્ષુદાન, કીડની આપવાનો લાભ મળ્યો.  આજે મારા પપ્પા નથી પરંતું પપ્પા થકી બીજા કોઈની જે જીંદગી બચે છે. જેથી અમે ખૂબ ભાગ્યશાળી છીએ.