દુઃખદ / સાબરકાંઠામાં સેલ્ફી લેવા જતા 5 યુવાનો ડૂબ્યા, 1નું મોત, જસદણમાં તણાયેલા વ્યક્તિની મળી લાશ, બીજી ઘણી ઘટનાઓ

• જસદણના ઇશ્વરીયા ગામમાં 3 લોકો ગુમ થતા એકનો આબાદ બચાવ
• ગુમ થયેલા ૩ વ્યક્તિમાંથી એકનો આબાદ બચાવ
• એક વ્યક્તિનો મૃતદેહ મળ્યો અને એકની શોધખોળ ચાલું

સૌરાષ્ટ્રમાં ભારે વરસાદને લઈને જળબંબાકારની પરિસ્થિતિ સર્જાઈ છે. ત્યારે જસદણનાં ઈશ્વરીયા ગામમાં 3 લોકો ગુમ થતા એકનો આબાદ બચાવ થયો હતો. ગુમ થયેલા 3 વ્યક્તિમાંથી એકનો આબાદ બચાવ થયો હતો. એક વ્યક્તિનો મૃતદેહ મળ્યો અને એકની શોધખોળ ચાલુ છે. ત્યારે ઈશ્વરીયા ગામનાં નદી કાંઠે વસવાટ કરતા લોકો તણાયા હતા. ભારે વરસાદને કારણે કરમાળ ડેમનાં દરવાજા ખોલવામાં આવ્યા હતા. ડેમમાંથી પાણી છોડાતા નદીમાં પાણીની ભારે આવક થવા પામી હતી. 

• સાબરકાંઠાના પીપલોદી ગામમાં સેલ્ફી લેવા જતા યુવકો ડૂબ્યા
• 5 જેટલા યુવકો સેલ્ફી લેવા ગયા હતા પાણીમાં
• સેલ્ફી લેવા જતા એક યુવકનું થયું મોત 

સેલ્ફી લેવા જતા એક યુવકનું થયું મોત
સાબરકાંઠાનાં પીપલોદી ગામમાં સેલ્ફી લેવા જતા યુવકો ડૂબ્યા હતા. 5 જેટલા યુવકો સેલ્ફી લેવા પાણીમાં ગયા હતા. સેલ્ફી લેવા જતા એક યુવકનું મોત થયું હતું. ઉપરવાસમાં ભારે વરસાદનાં કારણે હાથમતી પાણીમાં પુર આવ્યું હતું. ત્યારે ફાયર વિભાગે યુવકનાં મૃતદેહની શોધખોળ હાથ ધરી હતી.

• બનાસકાંઠા દાંતીવાડા પાસે બનાસનદીમાં યુવક ડૂબ્યો
• ડીસાના મહાદેવીયા ગામના બે મિત્રો માછલી પકડવા જતા બની ઘટના
• મિતેષ રાવળ નામનો યુવક ડૂબતા શોધખોળ હાથ ધરી
• સ્થાનિક પોલીસ અને તારવૈયાઓની ટીમે યુવકની શોધખોળ હાથ ધરી

બનાસકાંઠા દાંતીવાડા પાસે બનાસનદીમાં યુવક ડૂબ્યો
બનાસકાંઠાનાં દાંતીવાડા બાસે બનાસનદીમાં યુવક ડૂબ્યો હતો. ડીસાનાં મહાદેવીયા ગામનાં બે મિત્રો માછલી પકડવા જતા ઘટનાં બની હતી. મિતેષ રાવળ નામનો યુવક ડૂબતા શોધખોળ હાથ ધરી હતી. જીલ્લા કલેક્ટર દ્વારા નદીમાં પ્રવેશ પર પ્રતિબંદ ફરમાવ્યો હોવા છતાં લોકો પોતાનાં મોજ શોખ માટે નદીમાં જઈ રહ્યા છે.  ગઈકાલે પાણી નદીમાં છોડ્યા બાદ આજે વહેલી સવારથી જ લોકો પોતાનાં મોજશોખ માટે નદીમાં નાહવા માટે ઉમટી પડ્યા હતા. બનાસ નદી સજીવન થતાની સાથે જ મોતનો સિલસિલો શરૂ થઈ ગયો છે. ગત વર્ષે પણ દાંતીવાડા ડેમમાંથી બનાસ નદીમાં પાણી છોડતા અનેક લોકો મોતને ભેટ્યા હતા.