દુર્ઘટના / હિમાચલ ભૂસ્ખલન : 2 ના મોત, રસ્તો લપસણો હોવાથી વાહનો ખીણમાં ખાબક્યા, જુઓ VIDEO

• હિમાચલના કિન્નોરમાં થયેલી ભૂસ્ખલનની મોટી ઘટના
• કિન્નોરમા પહાડ તૂટ્યો, કાટમાળમાં દબાયા ઘણા વાહનો 
• રસ્તો લપસણો હોવાથી ઘણા વાહનો ખીણમાં ખાબક્યા
• અત્યાર સુધી 1 નું મોત, 30 લોકો હજુ પણ કાટમાળમાં 
• ઘટનાનો ખોફનાક વીડિયો સામે આવ્યો

હિમાચલ પ્રદેશના કિન્નોર જિલ્લામાં આવેલ નિગુલસેરી નેશનલ હાઈવે-5 પર ચીલ જંગલ પાસે ભૂસ્ખલનની ઘટના સામે આવી છે. જેના કારણે આખે આખા રસ્તા પડી રહ્યા છે. આ ઘટનામાં HRTCની એક બસ પણ આ ભૂસ્ખલનના ઝપેટમાં આવી ગઈ હોવાની માહિતી સામે આવી છે. સાથેજ કુલ 40 જેટલા લોકો કાટમાળ નીચે દબાઈ ગયા હોવાની માહિતી સામે આવી છે. 

Landslide in Himachal's Kinnaur hits a bus and a truck, several feared trapped. ITBP team rushed for rescue ops. @IndiaToday pic.twitter.com/J2dJrHWFkT

— Shiv Aroor (@ShivAroor) August 11, 2021

રેસ્કયુની કામગીરી શરૂ 

પોલીસ અને તંત્ર દ્વારા રેસ્ક્યુની કાર્યવાહી શરૂ કરી દેવામાં આવી છે અને જે બસ કાટમાળ નીચે દબાઈ છે. તે બસ હરિદ્વાર રૂટની બસ હતી. માત્ર બસ નહી પરંતું ઘણા બધા વાહનો કાટમાળ નીચે દબાઈ ગયા છે. સાથેજ બસમાં કેટલા મુસાફરો હતા તે મુદ્દે પણ હજું કોઈ માહિતી સામે નથી આવી. 

A landslide reported on Reckong Peo- Shimla Highway in #Kinnaur District in Himachal Pradesh today at around 12.45 Hrs. One truck, a HRTC Bus and few vehicles reported came under the rubble. Many people reported trapped. ITBP teams rushed for rescue. More details awaited. pic.twitter.com/ThLYsL2cZK

— ITBP (@ITBP_official) August 11, 2021

અગાઉ પણ આવો અકસ્માત સર્જાયો હતો 

ગત 25 જુલાઈએ પણ કિન્નોર જિલ્લામાં આવેલ બટરેસી વિસ્તારમાં સાંગલા-છિતકુલ માર્ગ પર ભૂસ્ખલનને કારણે એક વાહન કાટમાળ નીચે દબાઈ ગયું હતું. આ ઘટનામાં મુસાફરોનું કરૂણ મોત થયું હતું. અકસ્માત એટલો ગંભીર હતો કે વાહન 600 મીટર નીચે બાસ્પા નદીના કિનારે બીજા રસ્તા પર જઈને પડ્યું હતું. 

PM @narendramodi spoke to Himachal Pradesh CM @jairamthakurbjp regarding the situation in the wake of the landslide in Kinnaur. PM assured all possible support in the ongoing rescue operations.

— PMO India (@PMOIndia) August 11, 2021

લોખંડનો પુલ ધરાશાયી 

અગાઉ જે અકસ્માત સર્જાયો હતો. તેમા છત્તીસગઢ, મહારાષ્ટ્ર અને દિલ્હીના મુસાફરો પણ હતા. કે જેઓ દિલ્હીથી એક પ્રાઈવેટ વાહન કરી પ્રવાસે આવ્યા હતા. આ ઘટનામાં બાસ્પા નદી પર આવેલ 120 મીટર લાંબો લોખંડનો પુલ પણ ધરાશાયી થઈ ગયો હતો. 

વાહનવ્યવહાર ખોરવાયો 

ઉલ્લેખનીય છે કે હાલ જે દુર્ઘટના ઘટી છે તેમા અનેક વાહનો ભૂસ્ખલનની ઝપેટમાં આવી ગયા હોવાનું સામે આવ્યું છે. જેમા કુલ 40 લોકો કાટમાળ નીચે દબાયા હોવાની આશંકા સેવાઈ રહી છે. પહાડનો એક હિસ્સો ધરાશાયી થતા વાહનવ્યવહાર ખોરવાયો છે. તેમજ અનેક લોકો કાટમાળ નીચે દબાઈ ગયા છે. જેથી NDRFની ટીમ દ્વારા રેસ્ક્યુ હાથ ધરવામાં આવ્યું છે.