અમદાવાદની બેંકોમાંથી રુ.20થી માંડીને રુ. 2000 સુધીની બનાવટી નોટો મળી આવી છે. શહેરની એક કે બે નહીં 17 બેંકોમાંથી 14.31 લાખની નકલી ચલણી નોટો મળી આવી છે. આ મામલે SOGની ટીમે તપાસ હાથ ધરી છે.
Share
અમદાવાદની બેંકોમાં નકલી ચલણી નોટો થઇ જમાં
17 બેંકોમાંથી 14.31 લાખની બનાવટી ચલણી નોટો મળી
દેશને આર્થિક રીતે નુકસાન પહોંચાડવાનું કાવતરું
અમદાવાદની અલગ અલગ 17 બેંકમાંથી લાખો રૂપિયાની નકલી ચલણી નોટો મળી આવતા ખળભળાટ મચી ગયો છે. શહેરની બેંકોમાંથી મળી આવેલી કેટલીક નોટો ફાટેલી, પટ્ટીવાળી તથા કાગળ ચોંટાડેલી, ધોવાઈ ગયેલી ચિલ્ડ્રન નોટો છે. એવું કહેવામાં આવી રહ્યું છે કે, SOGની ટીમે 17 બેંકોમાંથી 14.31 લાખની બનાવટી ચલણી નોટો જપ્ત કરી છે.
ફાઈલ ફોટો
SOG દ્વારા તપાસ શરૂ
SOGની ટીમને 17 બેંકમાંથી 2000, 500, 100, 200, 50, 20, 10ના દરની કુલ 3574 નકલી નોટો મળી આવી છે. SOGએ આ નોટો જપ્ત કરી અજાણી વ્યક્તિઓ વિરુદ્ધ ગુનો નોંધી તપાસ હાથ ધરી છે. બજારો બાદ હવે બેંકમાં પણ નકલી નોટો આવી રહી છે ત્યારે સવાલ થાય છે કે જો બેંકમાં આટલી બધી ડુપ્લિકેટ ચલણી નોટો આવી જતી હોય તો સામાન્ય માણસના ખિસ્સામાં પણ જઇ શકે છે. હવે ચોક્સાઈ અને સાવધાન એક રસ્તો છે કોઈ પણ વ્યક્તિ સાથે આર્થિક વ્યવહાર કરતા પહેલા ચલણી નોટો અંગે તપાસ કરી લેવી જોઈએ. હાલ તો SOG દ્વારા આ મામલે તપાસ કરવામાં આવી રહી છે.
