- પાન-મસાલા - ગુટકાને લઈ SC ભડકી
- બંનેનાં અલગ-અલગ વેંચાણ પર ઊઠાવ્યો સવાલ
- તમિલનાડુ સરકારે જણાવ્યું કારણ
પાન-મસાલા અને તમાકૂને અલગ-અલગ શા માટે વેંચવામાં આવે છે. તેને લઈને મોટો ખુલાસો સામે આવ્યો છે. સુપ્રીમ કોર્ટની સુનાવણી દરમિયાન એ વાત સામે આવી કે કાયદાની નજરોમાંથી છટકવા માટે આ બંને વસ્તુઓને અલગ-અલગ વેંચવામાં આવે છે અને પછી લોકો બંનેને મિક્સ કરીને ગુટકા બનાવે છે.
SCમાં આ મુદે થઈ સુનાવણી
તમિલનાડુમાં ગુટકા-પાન મસાલાનાં વેંચાણ પર બેન લગાવવાનાં આદેશને પડકારતી અરજીની ચર્ચા સુપ્રીમ કોર્ટમાં કરવામાં આવી. આ મામલા પર 13 એપ્રિલનાં રોજ SC માં સુનાવણી થઈ જે દરમિયાન જસ્ટિસ કે.એમ. જોસેફ અને જસ્ટિસ બી.વી.નાગરત્નાની પીઠએ તમિલનાડુ સરકારને કેટલાક પ્રશ્નો પૂછ્યાં.
પ્રશ્ન: અમૃત થોડી વેંચવામાં આવે છે, ગુટકાનાં વેંચાણ પર કાયમી પ્રતિબંધ કેમ નથી લાદતા.
જવાબ:
આ મુદે તમિલનાડુ સરકારે SCને જવાબ આપતાં જણાવ્યું કે તેના પર કાયમી પ્રતિબંધ ન લગાડી શકીએ કારણકે કંપનીઓ પાન-મસાલા અને તમાકૂનું અલગ-અલગ વેંચાણ કરે છે. લોકો અલગ પાઉચ ખરીદે છે અને તેને મિક્સ કરીને ગુટકા બનાવે છે. હવે તમે જ જણાવો કે તમાકૂ અને પાન-મસાલાનાં ખરીદ-વેંચાણ પર કઈરીતે પ્રતિબંધ લગાવીએ.?
ગુટકા નિર્માતાઓની તરફથી સી.એસ.વૈદ્યનાથને કહ્યું કે,
માત્ર સ્વાસ્થ્ય કટોકટીનાં સમયમાં જ તેના ખરીદ વેંચાણ પર અસ્થાઈ પ્રતિબંધો લગાવી શકાય છે, સંપૂર્ણ પ્રતિબંધ હાલનાં કાયદાની ફ્રેમવર્ક અંતર્ગત શક્ય નથી.
સિબ્બલે કહ્યું કે દરવર્ષે આ જ દલીલ કરવી પણ યોગ્ય નથી કારણકે વર્ષ વિત્યા પછી પણ આ જનતાનાં આરોગ્ય માટે તેટલું જ હાનિકારક છે. શું વર્ષો વીતી ગયા પછી તેના સેવનથી કેન્સરનું જોખમ ટળી જાય છે? આ કેવી દલીલ કરવામાં આવી રહી છે? સિબ્બલે આગળ જણાવ્યું કે 2016માં રાજ્યમાં તમાકૂ પર બેન લગાડવાનો આદેશ આપવામાં આવ્યો હતો. અમે નથી ઈચ્છતા કે હાઈકોર્ટ આ આદેશનાં માર્ગમાં અવરોધો ઊભા કરે.
જો કે પીઠે આ તમામ દલીલો બાદ અત્યારસુધી કોઈ આદેશ આપ્યો નથી. આ મામલાની આવતી સુનાવણી 18 એપ્રિલનાં થશે.
