- ટીમ ઈન્ડીયાના સ્ટાર વિરાટ કોહલી બીજી વાર પિતા બન્યો
- વાઈફ અનુષ્કા શર્માએ આપ્યો બેબી બોયને જન્મ
- નામ રાખ્યું અકાય, લંડનમાં થઈ ડિલીવરી
- કોહલીએ પોસ્ટ લખીને જાહેર કર્યાં સમાચાર
ભારતીય ક્રિકેટ ટીમના સ્ટાર ખેલાડી વિરાટ કોહલી બીજી વાર પિતા બન્યો છે. વિરાટની પત્ની અને બોલીવુડ અભિનેત્રી અનુષ્કા શર્માએ પુત્રને જન્મ આપ્યો છે. વિરાટ અને અનુષ્કા તેમના બીજા બાળકના જન્મ માટે ગયા મહિનાથી લંડનમાં હતા. વિરાટ કોહલીએ પોતાના સોશિયલ મીડિયા પર એક પોસ્ટ શેર કરીને તેના ચાહકોને ખુશખબર આપી છે.
પુત્રનું નામ અકાય રાખ્યું
વિરાટે પોતાના પુત્રનું નામ અકાય રાખ્યું છે. વિરાટ કોહલીએ તેની સોશિયલ મીડિયા પોસ્ટમાં લખ્યું, 'હું તમને બધાને ખૂબ જ આનંદ સાથે કહેવા માંગુ છું કે 15 ફેબ્રુઆરીએ અમારા ઘરે એક નાનો મહેમાન અને વામિકાના નાનો ભાઈ આવ્યા છે. આ શુભ સમય માટે હું તમારી બધી પ્રાર્થના અને આશીર્વાદ માંગું છું. વિરાટ કોહલી અને અનુષ્કા શર્મા વર્ષ 2021માં પ્રથમ વખત પિતા બન્યા હતા. વિરાટના પહેલા બાળકનું નામ વામિકા છે.
શું થાય અકાયનો અર્થ
અકાયનો અર્થ ખૂબ સુંદર. અકાય એટલે ચમકતો ચંદ્ર.
વધુ વાંચો : કોહલી ક્યાંથી શોધી લાવ્યો પુત્રનું નામ? અકાયના બન્ને અર્થ ચકિત કરનારા, વામિકાનો અર્થ પણ દૈવીય
15 ફેબ્રુઆરીએ લંડનમાં અકાયનો થયો જન્મ
આ પોસ્ટને વિરાટ કોહલીના ઈન્સ્ટા એકાઉન્ટની સાથે સાથે અનુષ્કાના ઇન્સ્ટા એકાઉન્ટ પરથી પણ શેર કરવામાં આવી છે. "અમને એ જણાવતા ખૂબ જ આનંદ થાય છે કે 15 ફેબ્રુઆરીએ, અમે અમારા પુત્ર અકાય અને વામિકાના નાના ભાઈનું આ દુનિયામાં સ્વાગત કર્યું!" અમે અમારા જીવનના આ સુંદર સમયે તમારા આશીર્વાદ અને શુભેચ્છાઓ માંગીએ છીએ. અમે તમને વિનંતી કરીએ છીએ કે અમારી પ્રાઈવેસીનો આદર કરો.
વિરાટની પોસ્ટ પર અભિનંદનનો વરસાદ
– પૂર્વ ક્રિકેટર વિરેન્દ્ર સેહવાગે કોમેન્ટ કરીને કોહલીને અભિનંદન પાઠવ્યા છે. સેહવાગે કહ્યું છે કે વિરાટને ખૂબ ખૂબ અભિનંદન.
- વિરાટની પોસ્ટ પર એક યુઝરે કોમેન્ટમાં લખ્યું કે, 2041ના વર્લ્ડ કપમાં 3 નંબરનો ખેલાડી આવ્યો.
- સિંગર જસ્સી ગિલે પણ કોહલીની આ પોસ્ટને અભિનંદન પાઠવ્યા છે.
વામિકાને ભાઈ મળ્યો
વિરાટ કોહલીનું આ બીજું સંતાન છે. તેમને વામિકા નામની એક દીકરી છે.
