ભયનું વાતાવરણ / VIDEO: ડીસાના રેજિમેન્ટ વિસ્તારમાં એકજ સમાજના બે જૂથો વચ્ચે હિંસક અથડામણ, મારામારીનો વીડિયો વાયરલ

• ડીસાના રેજીમેન્ટ વિસ્તારની ઘટના 
• એક જ સમાજના બે જૂથ આમને-સામને 
• સમગ્ર વિસ્તારમાં તંગદીલી -પોલીસ ઘટના સ્થળે 

ઉત્તર ગુજરાતના ડીસાના રેજીમેન્ટ વિસ્તારમાં  ભયાનક જૂથ અથડામણ સર્જાતા ભયનો માહોલ છવાયો છે.એક જ સમાજના બે અલગ-અલગ જૂથ આમને-સામને આવી જતા તંગદીલી જેવો માહોલ સર્જાયો હતો. હિંસક અથડામણને પગલે રિજમેન્ટ વિસ્તારમાં અફરાફરી સર્જાતા ડીસા શહેર  પોલીસ ઘટનાસ્થળે  ધસી ગઈ હતી. હુમલામાં બંને જૂથના લોકો ઈજાગ્રસ્ત થયા હતા.

જૂથ અથડામણ જેવી સ્થિતિ  

ઉત્તર ગુજરાતના ડીસામાં એક જૂથના બે ટોળા સામ -સામે આવી જતા ભય અને તંગદિલીનો માહોલ સર્જાયો હતો. ક્યા મુદ્દે એક જ સમાજના બે જૂથ આમને-સામને આવી ગયા તે તપાસનો વિષય છે. પરંતુ ભયનું વાતાવરણ ફેલાઈ ગયું હતું. પોલીસને પણ સુચના મળતા ઘટના સ્થળે દોડી ગઈ હતી. અથડામણે એવું હિંસક સ્વરૂપ ધારણ કર્યું હતું કે, રેજીમેન્ટ વિસ્તારના લોકો ફફડી ઉઠ્યા હતા. હાલ પોલીસનો ચાંપતો બંદોબસ્ત છે અને આમને-સામને આવેલા બંને જૂથના કેટલાક લોકો ઈજાગ્રસ્ત થયા છે. પોલીસ વિભાગના ઉચ્ચ અધિકારીઓએ આ ઘટનાની વિગત મંગાવી વાકેફ થયા છે.અને આગળના પગલાઓ માટે સુચના પણ અપાઈ છે.