મોટા સમાચાર / બે કાશ્મીરી પંડિત અને એક ધારાસભ્ય PoKથી... સંસદમાં જમ્મૂ કાશ્મીર માટે મહત્વપૂર્ણ બિલ લાવશે ગૃહમંત્રી અમિત શાહ

• જમ્મૂ કાશ્મીર મુદ્દે મોદી સરકારનો વધુ એક મોટો નિર્ણય 
• અમિત શાહ આજે લોકસભામાં જમ્મુ-કાશ્મીર સુધારા બિલ રજૂ કરશે
• બે કાશ્મીરી પંડિત અને એક PoK ધારાસભ્યની બેઠક અનામત

સાંસદનું શિયાળુ સત્ર ચાલી રહ્યું છે અને લોકસભાના કામકાજની સુધારેલી યાદી બહાર પાડવામાં આવી છે. આ સાથે જ કેન્દ્રીય મંત્રી અમિત શાહ આજે લોકસભામાં જમ્મુ-કાશ્મીર પુનર્ગઠન (સુધારા) બિલ, 2023 રજૂ કરશે. આ બિલ કાશ્મીરી પંડિતો સાથે જોડાયેલ છે. 

જમ્મૂ કાશ્મીરની વિધાનસભામાં LGને ત્રણ સદસ્યો નોમિનેટ કરવાનો અધિકાર મળશે, બે બેઠક કાશ્મીરી પંડિતો માટે તથા એક પ્રતિનિધિ PoKના હશે, આજે સંસદમાં બિલ રજૂ કરશે કેન્દ્રીય ગૃહમંત્રી અમિત શાહ#POK #AmitShah #jammukashmir #vtvgujarati pic.twitter.com/X12kdNrx2p

— VTV Gujarati News and Beyond (@VtvGujarati) December 5, 2023

આ બિલ દ્વારા સરકાર રાજ્યના વિસ્થાપિત એટલે એક કાશ્મીરી પંડિતો માટે બે બેઠકો જેમાંથી એક મહિલા અને પાકિસ્તાન અધિકૃત કાશ્મીર (PoK) ના વિસ્થાપિત વ્યક્તિઓ માટે એક બેઠક અનામત રાખવાની જોગવાઈ કરી છે.

શું છે આ બિલનો ઉદ્દેશ્ય 
“કાશ્મીરી સ્થળાંતર કરનારાઓ” અને “પાકિસ્તાન અધિકૃત જમ્મુ અને કાશ્મીરમાંથી વિસ્થાપિત વ્યક્તિઓ” અને અનુસૂચિત જનજાતિઓને જમ્મુ અને કાશ્મીરના કેન્દ્રશાસિત પ્રદેશની વિધાનસભામાં પ્રતિનિધિત્વ આપવાના ઉદ્દેશ્યથી આ કાયદામાં સુધારો કરવાની દરખાસ્ત કરવામાં આવી છે જેથી તેઓનું રક્ષણ થાય. રાજકીય અધિકારો તેમજ તેમના સમગ્ર સામાજિક અને આર્થિક વિકાસ માટે આ બિલ રજૂ કરવામાં આવશે.