બ્રેકિંગ ન્યુઝ
સલમાન ખાન ફાયરિંગ કેસ: અનમોલ બિશ્નોઇ સામે લુકઆઉટ નોટીસ જાહેર
1983ના 41 વર્ષ જૂના કેસમાં દાઉદ ઇબ્રાહિમ દોષ મુક્ત
22 એપ્રિલથી 'તારક મહેતા કા ઉલ્ટા ચશ્મા'ના કલાકાર સોઢીનો સંપર્ક કટ
અમેરિકામાં રોડ અકસ્માતમાં આણંદની 3 ગુજરાતી મહિલાઓના મોત, સમાજમાં શોકની લાગણી
લોકસભા ચૂંટણી 2024: બીજા તબક્કાનું મતદાન પૂર્ણ, UPમાં સૌથી ઓછું મતદાન તો ત્રિપુરામાં થયું બમ્પર વોટિંગ
રાજ્યમાં ઉનાળાની ઋતુમાં હવામાન વિભાગની કમોસમી વરસાદની આગાહી, આગામી 24 કલાક માટે સામાન્ય વરસાદની આગાહી, દક્ષિણ, મધ્ય અને ઉત્તર ગુજરાતમાં વરસાદની આગાહી
VTV / ગુજરાત / અન્ય જિલ્લા / Torrential rain in North Gujarat from this morning, know where and how much rain
Malay
Last Updated: 02:22 PM, 10 July 2023
ગુજરાતમાં મેઘરાજાની મહેર જોવા મળી રહી છે. ગઈકાલે સૌરાષ્ટ્ર-કચ્છમાં ધબધબાટી બોલાવ્યા બાદ આજે ઉત્તર ગુજરાતમાં મેઘરાજા તોફાની બેટિંગ કરી રહ્યા છે. આજે સવારે 6 વાગ્યાથી બપોરના 12 વાગ્યા સુધીમાં ગુજરાતના 107 તાલુકામાં વરસાદ નોંધાયો છે. ભારે વરસાદના કારણે કેટલાક વિસ્તારોમાં જળબંબાકારની સ્થિતિ જોવા મળી રહી છે. રોડ રસ્તા પર વરસાદી પાણી ફળી વળ્યા છે. વરસાદના કારણે નદીઓ બે કાંઠે વહેતી થઈ છે, તો કેટલાક ડેમો પણ ઓવરફ્લો થયા છે. ભારે વરસાદના કારણે કેટલાક ગામો પણ સંપર્ક વિહોણા બન્યા છે.
આજે તલોદ અને લુણાવાડામાં ભારે વરસાદ પડ્યો
ગુજરાતમાં હાલ વરસાદનો બીજો રાઉન્ડ ચાલી રહ્યો છે. આજ સવારથી અત્યાર સુધીમાં 107 તાલુકામાં મેઘ મહેર જોવા મળી છે. આજે સવારે 6 વાગ્યાથી બપોરના 12 વાગ્યા સુધીમાં સૌથી વધારે વરસાદ તલોદમાં ખાબક્યો છે. તલોદમાં સવા 4 ઈંચ વરસાદ નોંધાયો છે. જ્યારે લુણાવાડામાં સવા 4 ઈંચ, ખેરાલુમાં 4 ઈંચ, ધનસુરામાં પોણા 4 ઈંચ, મોડાસામાં 4 ઈંચ, વિરપુરમાં પોણા 4 ઈંચ, વિજાપુરમાં પોણા 4 ઈંચ, પ્રાંતિજમાં 3.5 ઈંચ, વિસનગરમાં 3.5 ઈંચ, બાયડમાં સવા 3 ઈંચ, દાંતામાં પોણા 3 ઈંચ, વિસાવદરમાં પોણા 3 ઈંચ, ઉંજામાં સવા 2 ઈંચ, શેહરામાં સવા 2 ઈંચ, હિંમતનગરમાં સવા 2 ઈંચ અને સંજેલીમાં સવા 2 ઈંચ વરસાદ ખાબક્યો છે.
મહેસાણા જિલ્લામાં વહેલી સવારથી વરસાદ
આજે વહેલી સવારથી ઉત્તર ગુજરાતમાં સૌથી વધારે વરસાદ વરસી રહ્યો છે. મહેસાણા જિલ્લામાં વહેલી સવારથી વરસાદ ચાલું છે. વરસાદને લઈ જિલ્લાના નીચાણવાળા વિસ્તારમાં પાણી ભરાયા છે. મહેસાણા બસ સ્ટેશનમાં પણ પાણી ભરાઈ ગયા છે. મહેસાણાના ઊંઝામાં ભારે વરસાદથી પ્રવેશદ્વાર અંડર પાસ પાણીમાં ગરકાવ થયો છે. અંડર પાસમાં પાણી ભરાઈ જવાને કારણે ટ્રાફ્રિક ડાયવર્ટ કરાયો છે. તો બહુચરાજીમાં વરસાદના કારણે રેલવે અંડરપાસમાં પાણી ભરાયું છે. રેલવે અંડરપાસમાં પાણી ભરાતા હાઇવેનો રસ્તો બંધ થયો છે. હારીજ-બહુચરાજી હાઇવે બંધ થતાં લોકો અટવાયા છે. ભારે વરસાદના કારણે બહુચરાજી વિસ્તારના 20થી વધુ ગામો સંપર્ક વિહોણા બન્યા છે.
મહીસાગરના વિરપુરના અનેક ગામો સંપર્ક વિહોણા
મહીસાગર જિલ્લામા વહેલી સવારથી ધોધમાર વરસાદ વરસી રહ્યો છે. મહીસાગરના વીરપુર, લુણાવાડા, ખાનપુર તાલુકામાં વરસાદ વરસી રહ્યો છે. ભારે વરસાદને પગલે કોઠંબા વિસ્તારમાં રોડ પર પાણી ફરી વળ્યા છે. ઉપરવાસમાં ભારે વરસાદને કારણે મહીસાગર જિલ્લાના વિરપુરની લાવેરી નદીમાં પાણીની આવક થઈ છે. વિરપુરની લાવેરી નદી બે કાંઠે થતા વિરપુરના અનેક ગામ સંપર્ક વિહોણા બન્યા છે. વિરપુરના નવા મુવાડા, રતન કૂવા સહિતના ગામો સંપર્ક વિહોણા બન્યા છે. આસપુર ગામનું તળાવ ઓવરફ્લો થતાં સ્થાનિકોમાં ખુશી જોવા મળી રહી છે. આસપુર ગામમાં વરસાદને પગલે નદીનાળા છલકાયા છે.
અરવલ્લીમાં ભારે વરસાદથી પાણી ભરાયા
અરવલ્લીના મોડાસામાં પણ મેઘરાજાએ બઘડાટી બોલાવી છે. મોડાસામાં 4 ઈંચ જેટલો વરસાદ ખાબકતા આખું શહેર પાણી-પાણી થઈ ગયું છે. વરસાદ પડતા નીચાણવાળા વિસ્તારોમાં પાણી ભરાયા છે. મોડાસા માર્કેટ યાર્ડની દુકાનોમાં પાણી ઘૂસ્યા છે. મોડાસા ઉપરાંત ધનસુરામાં પણ 1 કલાકમાં 2 ઈંચ જેટલો વરસાદ ખાબકતા બસ સ્ટેશન વિસ્તારમાં પાણી ભરાયા છે. ધનસુરાના મુખ્ય બજારમાં પાણી ભરાતા લોકો પરેશાન બન્યા છે. બજારોમાં વરસાદી પાણીની નદીઓ વહેતી થઇ છે. આ ઉપરાંત બાયડમાં પણ ધોધમાર વરસાદ પડતા માહોર નદીનાં પાણી દેરોલ ગામમાં ઘૂસ્યાં છે. દૂધમંડળીમાં ઘૂંટણ સમા પાણી ભરાયા છે. કમ્પ્યુટર અને વજનકાંટો પાણીમાં ડૂબી ગયા છે.
હિંમતનગર વિજાપુર રોડ પર પાણીના પગલે ટ્રાફિક
સાબરકાંઠા જિલ્લાના તલોદ, પ્રાંતિજ અને હિંમતનગરમાં ભારે વરસાદ વરસી રહ્યો છે. વરસાદને લઈ તલોદનું મોરલ ડુંગરી તળાવ ઓવરફ્લો થયું છે. પ્રથમ વરસાદમાં જ તળાવ ઓવરફ્લો થતા સ્થાનિકોમાં ખુશીનો માહોલ છવાયો છે. હિંમતનગરમાં ધોધમાર વરસાદથી તમામ રસ્તાઓ પર પાણી ફળી વળ્યા છે. હિંમતનગર-વિજાપુર રોડ પર પાણી ભરાતા ટ્રાફિકની સમસ્યા સર્જાઈ છે. હાથમતી નદી ઉપરના પુલ પર પાણી ફરી વળ્યા છે. રસ્તાઓ પર ફરી પાણી ફરી વળતા વાહનચાલકોને ભારે પરેશાની થઈ રહી છે. સાબરકાંઠાનાં પ્રાંતિજ તાલુકાના ગ્રામ્ય વિસ્તારોમાં પવન સાથે વરસાદથી વૃક્ષ ધરાશાયી થયા છે.
ભુજનું હમીરસર તળાવ ઓવરફ્લો
કચ્છના ભુજમાં આવેલું હમીરસર તળાવ ઓવરફ્લો થયું છે. તળાવ ઓવરફ્લો થતાં ભુજમાં સરકારી રજા જાહેર કરાઇ છે. હમીરસર તળાવ ઓવરફ્લો થતા કચ્છ કલેકટરે ભુજમાં 1 દિવસની રજા જાહેર કરી છે.
ભાવનગરના ભાણગઢ ગામના રસ્તા પાણીમાં ગરકાવ
ભાવનગર જિલ્લામાં ધોધમાર વરસાદને લઈ ભાણગઢ ગામના રસ્તા પાણીમાં ગરકાવ થયા છે. લોકો જીવના જોખમે નદી પાર કરવા મજબૂર બન્યા છે. થોડા સમય પહેલા ભાણગઢ ગામને જોડતા પુલનું ધોવાણ થયું હતું. પુલનું ધોવાણ થતાં ભાણગઢ ગામમાં અવર-જવર કરવાનો રસ્તો બંધ થયો છે. રસ્તો બંધ થતા લોકો જીવના જોખમે નદી પાર કરી રહ્યા છે.
બનાસકાંઠા મલાણા પાટીયા નજીક ભરાયાં પાણી
બનાસકાંઠાનાં પાલનપુરનાં મલાણા પાટીયા નજીક પાણી ભરાયા છે. જાહેરમાર્ગ પર ઢીંચણ સમા પાણી ભરાયા છે. 10થી વધુ ગામોને જોડતાં રસ્તા પર પાણી ફરી વળ્યાં છે. 2 ઇંચ જેટલા વરસાદથી જ રસ્તાઓ પર પાણી ભરાયાં છે. ડીસાના અનેક વિસ્તારો પણ પાણીમાં ગરકાવ થયા છે. ડીસાના જાવલ ગામને વિરુણા ગામથી જોડતા રસ્તામાં પાણી ભરાયા હતા. પાણી ભરાતા રસ્તો અવર-જવર માટે બંધ કરાયો છે.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir
પ્રચાર
ટોપ સ્ટોરીઝ
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir
આતંકી હુમલો / મણિપુરમાં મોડી રાત્રે કુકી આતંકવાદીઓએ CRPF બટાલિયન પર કર્યો હુમલો, બે જવાન શહીદ
Indian army