- તમિલનાડુમાં બની વિચિત્ર ઘટના
- સરકાર પાસેથી વળતર મેળવવા માટે મહિલાએ કર્યું કૃત્ય
- ચાલતી બસની સામે કૂદીને આપ્યો જીવ
સેલમ: દીકરાની કૉલેજ ફીઝ માટે એક માં એ પોતાનો જીવ દઈ દીધો. મહિલા ચાલતી બસની સામે કૂદી ગઈ જેથી મર્યા બાદ તેના દીકરાને વળતર મળી શકે અને તે પોતાની કૉલેજ ફીઝ ભરી શકે. તમિલનાડુની આ ઘટનાનો CCTV વીડિયો સામે આવ્યો છે.
કલેક્ટર કાર્યાલયમાં સફાઈ કર્મચારી હતી મહિલા
બસથી અથડાયા બાદ આ મહિલાનું મોત થઈ ગયું. 45 વર્ષીય આ મહિલા કલેક્ટર કાર્યાલયમાં સફાઈ કર્મચારી હતી. પોતાના દીકરાનાં સારા ભવિષ્ય માટે તમિલનાડુ સરકારથી નાણાકીય સહાય મેળવવા માટે 28 જૂનનાં આ મહિલા ચાલતી બસની સામે કૂદી પડી. કહેવામાં આવી રહ્યું છે કે મહિલાને કોઈએ સરકારી વળતર મેળવવા માટે આ રસ્તો બતાવ્યો હતો તેવામાં વાતોમાં આવીને મહિલા આ પગલું ભરવા તૈયાર થઈ ગઈ હતી.
2 વખત પ્રયાસ કર્યો
પોલીસ સૂત્રો અનુસાર મહિલાએ દુર્ઘટનાનાં દિવસે પહેલીવાર જ્યારે બસની સામે કૂદવાનો પ્રયાસ કર્યો ત્યારે તે ટૂ વ્હિલરથી અથડાઈ ગઈ હતી. તેની થોડી જ વાર પછી તે રોડ ક્રોસ કરીને જાય છે અને બસ સાથે અથડાઈ જાય છે. આ ઘટનાની સીસીટીવી ફુટેજ સામે આવી છે.
ફીઝ ન ચૂકવી શકવાને લીધે ડિપ્રેશનમાં હતી મહિલા
માહિતી અનુસાર આ મહિલા દીકરાનાં ભણતરની ફીઝ ન ચૂકવી શકવાને લીધે ડિપ્રેશનમાં હતી. તેવામાં કોઈની વાતોમાં આવીને તેણે આ પગલું ભર્યું હતું. મહિલા 15 વર્ષથી પોતાના પતિથી અલગ રહીને પોતાના દીકરાનું પાલન પોષણ કરી રહી હતી.
