ક્રાઈમ બ્રાન્ચ કચેરીમાં મહિલા તબીબ વૈશાલી જોશીના આપઘાત મામલે પોલીસે અત્યાર સુધીમાં 20 થી 22 લોકોના નિવેદન નોંધ્યા છે. પીઆઈ બી.કે ખાચર સાથે કામ કરતા રાઇટર સહિતના સ્ટાફના નિવેદન લેવાયા છે. યુવતી પાસેથી મળેલી સ્યુસાઈડ નોટ FSL માં મોકલવામાં આવી છે.. યુવતીના પોસ્ટમોર્ટમનો પ્રાયમરી રિપોર્ટ હજુ સુધી આવાનો બાકી છે. સત્તાવાર કોઝ ઓફ ડેથ હજુ સુધી સામે નથી આવ્યું. આ કેસમાં યુવતીના પરિવારજનો હજુ પોલીસ સમક્ષ નિવેદન લખાવા નથી આવ્યા .. ગાયકવાડ હવેલી પોલીસ એક બે દિવસમાં યુવતીના વતનમાં ટીમ મોકલશે અને ખેડામાં યુવતીના વતન પહોંચીને ટીમ પરિવારજનોનું નિવેદન નોંધશે.
શું હતી ઘટના
ગાયકવાડ હવેલી, જમાલપુર ખાતે આવેલા ક્રાઇમબ્રાંચના કેમ્પસમાં ડૉ. વૈશાલી જોષી નામની યુવતીએ પગમાં ઇન્જેક્શન મારીને આત્મહત્યા કરી લીધી હતી. વૈશાલી છેલ્લાં પાંચ દિવસથી આ ઓફિસમાં પીઆઇ બી કે ખાચરને મળવા માટે આવતી હતી. પરંતુ પીઆઇ બી કે ખાચર તેને મળતા નહોતા, આખરે કંટાળીને તેણે આત્મહત્યાનું પગલું ભરી લીધું હતું.
સ્યૂસાઇડ નોટ
ગાયકવાડ હવેલી પોલીસને એક સુસાઇડ નોટ અને ડાયરી મળી આવી હતી. સુસાઇડ નોટમાં વૈશાલી જોષીએ લખ્યુ હતું કે મારી સાથે ઇમોશનલ ગેમ રમાઇ ગઇ છે. હું જે પગલા ભરવા માટે જઇ રહી છુ. તે માટે પોલીસ ઇન્સ્પેક્ટર બી કે ખાચર જવાબદાર છે.
ખાનગી હોસ્પિટલમાં નોકરી કરતી હતી વૈશાલી જોષી
વૈશાલી જોષી મહિસાગર જિલ્લાના વીરપુર પાસે આવેલા ડેભારી ગામના વતની હતા અને અમદાવાદમાં શીવરંજની પાસે આવેલા પીજીમાં રહીને ખાનગી હોસ્પિટલમાં નોકરી કરતા હતા
