દિલ્હી / અંજલિને કાર નીચે ઢસડીને મારી નાખનાર 6 હેવાનો જેલમાં જ રહેશે, કોર્ટે લંબાવી દીધી કસ્ટડી

• કંઝાવાલા કેસનાં આરોપીઓને લઈને કોર્ટનો નિર્ણય
• 6 આરોપીઓને 14 દિવસની ન્યાયિક કસ્ટડીમાં મોકલાયા
• આરોપી અંકુશ ખન્નાને શનિવારે મળી હતી જામીન 

દિલ્હીનાં કંઝાવાલા કેસનાં આરોપીઓને રોહિણી કોર્ટમાં વીડિયો કોન્ફેરેન્સિંગ દ્વારા રજૂ કરવામાં આવ્યો હતો. રોહિણી કોર્ટનાં તમામ 6 આરોપીને 14 દિવસની ન્યાયિક કસ્ટડીમાં મોકલી દેવાયા છે. આ પહેલા દિલ્હીની એક કોર્ટે આરોપીઓને બચાવનાર એક અન્ય આરોપી અંકુશ ખન્નાને શનિવારે જામીન આપી હતી. 

Kanjhawala death case | Delhi: Rohini Court grants 14 days of judicial custody of all the six accused.

— ANI (@ANI) January 9, 2023

6 આરોપીઓની થઈ હતી ધરપકડ

પોલીસે આ મામલામાં પહેલા દીપક ખન્ના (26), અમિત ખન્ના (25), કૃષ્ણ (27), મિથુન (26) અને મનોજ મિત્તલની ધરપકડ કરવામાં આવી હતી. ત્યારબાદ આશુતોષ અને અંકુશ તન્નાની ધરપકડ કરવામાં આવી હતી. કોર્ટમાં આરોપી આશુતોષનાં વકીલે જામીનની અરજી કરી અને કહ્યું કે મારી ભૂલ એટલી જ છે કે મેં પોલીસને જણાવ્યાં વિના કાર પાર્ક કરી દીધી હતી. પોલીસે કહ્યું કે તેના ઉપર તપાસ ચાલુ છે. પોલીસે જામીનનો વિરોધ કર્યો, પોલીસે કહ્યું કે જરૂરત હશે તો આવનારાં કેટલાક દિવસોમાં તેને ફરીથી કસ્ટડીમાં લઈ શકીએ છીએ.

પોલીસે શું કહ્યું?
પોલીસે કહ્યું કે ગૂગલ ટાઈમ લાઈનથી પણ તપાસ કરી રહ્યાં છીએ. 6 નવા CCTV ફુટેજ પણ મળી આવ્યાં છે. સીસીટીવીમાં આવ્યું છે કે અકસ્માત થયા બાદ થોડી દૂર ગાડી થંભે છે અને તેનાથી 2 લોકો ઊતરે છે અને ગાડીની નીચે જુએ છે, પછી ગાડી ભગાવે છે. પેટ્રોલ પંપની ફુટેજમાં ગાડીથી ખેંચતા નજરે પડે છે. આ વાત પર જજએ કહ્યું કે તે 2 લોકો કોણ છે ત્યારે પોલીસે જવાબ આપ્યો કે ઓળખ કરી લીધી છે પરંતુ જાહેરમાં કહેવું યોગ્ય નથી.