રાજકોટ / VIDEO: રાજકોટમાં સસ્તી પ્રસિદ્ધિ માટે યુવતીએ હાથમાં ભડાકા કર્યા, ફેમસ થવા નિયમની ઐસીતૈસી

• રાજકોટમાં સસ્તી પ્રસિદ્ધ માટે નિયમની ઐસીતૈસી
• શું યુવતીને નથી લાગતો કાયદાનો ડર ?
• સોશિયલ મીડિયામાં ફેમસ થવા કંઈ પણ !

સોશિયલ મીડિયામાં ફેમસ થવાની લ્હાયમાં આજકાલ યુવક અને યુવતીઓ કાયદો તોડતા પણ ડરતા નથી. સોશિયલ મીડિયામાં માત્ર સસ્તી પ્રસિદ્ધિ માટે યુવક યુવતીઓ કોઈ પણ ભોગે રિલ્સ બનાવે છે. ત્યારે આવી જ વધુ એક ઘટના રાજકોટથી સામે આવી છે.

જાહેર રસ્તા પર ફટાકડા ફોડી તોડ્યા નિયમ
રાજકોટમાં એક યુવતીએ સોશિયલ મીડિયામાં ફેમસ થવા નવા વર્ષની ઉજવણીની ઘેલછામાં નિયમોની ઐસીતૈસી કરી છે. જાહેરમાં રસ્તા પર ફટાકડા ફોડી ઉત્પાત મચાવ્યો છે. યુવતીનો ફટાકડા ફોડનો વીડિયો પણ વાયરલ થયો છે.  જેમાં જોઈ શકાય છે કે, એક યુવતી જાહેર રસ્તા પર લોકોના જીવ જોખમાય તેવી રીતે ફટાકડા ફોડી રહી છે. લોકોના જીવની પરવાહ કર્યા વિના બિન્દાસ્ત યુવતી ફટાકડા ફોડી રહી છે. 

રાજકોટ-પોરબંદર હાઇવનો વીડિયો
વાયરલ વીડિયો રાજકોટ-પોરબંદર હાઇવે પર આવેલા બ્રિજનો હોવાનું અનુમાન છે. હાલ તો પોલીસ વાયરલ વીડિયોને આધારે તપાસ હાથ ધરી છે. જિંદગીને રમત ન સમજવી જોઈએ, પરંતુ આજકાલના યુવાનો સોશિયલ મીડિયાના ચક્કરમાં જિંદગીને રમત સમજી રહ્યા છે.