મદદ / મહામારીમાં રાહુલ ગાંધીની પહેલ, નંબર શેર કરીને કહ્યું,"જરૂર હોય તો ફોન કરો"

કોવિડ બેડની સાથે હોસ્પિટલોમાં ઓક્સિજનની પણ ભારે અછત છે. આવી સ્થિતિમાં કોંગ્રેસના પૂર્વ અધ્યક્ષ રાહુલ ગાંધી લોકોની મદદ માટે આગળ આવ્યા છે. 

તેમણે એક ટ્વિટમાં કહ્યું, "આ સમયે દેશના લોકોની સાથે ઉભા રહેવાની જરૂર છે. અમે એક મેડિકલ એડવાઈઝરી હેલ્પલાઇન શરૂ કરી છે. હવે તમે +919983836838 પર ફોન કરીને મેડિકલ સલાહ મેળવી શકો છો." રાહુલ ગાંધીએ ડોકટરો અને મેન્ટલ હેલ્થ પ્રોફેશનલ્સને પણ આગળ વધીને રજીસ્ટ્રેશન કરાવવાની અપીલ કરી છે.

India needs to stand together and help our people.

We have launched ‘Hello Doctor’ a medical advisory helpline. Please call +919983836838 for medical advice.

Dear Dr’s & mental health professionals, we need your help. Please enroll on https://t.co/KbNzoy1PUa

— Rahul Gandhi (@RahulGandhi) May 1, 2021

રાહુલ ગાંધીએ એવા સમયે ટ્વિટ કર્યું છે જ્યારે દેશમાં છેલ્લા 24 કલાકમાં 4 લાખથી વધુ કેસ નોંધાયા છે. સમગ્ર દેશમાં કોરોના કેસની સંખ્યા સતત વધી રહી છે. આ ઉપરાંત, આ સંક્રમણથી દરરોજ હજારો લોકો મરી રહ્યા છે. રાહુલ ગાંધીએ ટ્વીટ કરીને ડોકટરોની મદદ લીધી છે.

તેમણે કહ્યું કે આ સમય એક થઇને આ મહામારી સામે લડવાનો છે. તેમણે ટ્વિટ દ્વારા રજીસ્ટ્રેશન ફોર્મ પણ શેર કર્યું છે, જે અંતર્ગત ડોકટરો અને મેન્ટલ હેલ્થ પ્રોફેશનલ્સ સરળતાથી નોંધણી કરાવી શકશે.

દેશમાં સતત વધી રહ્યા છે કોરોનાના કેસ 

નોંધનીય છે કે ભારતમાં કોરોનાના કેસો ઝડપથી વધી રહ્યા છે. છેલ્લા 24 કલાકમાં દેશમાં કોરોનાના 4,01,993 નવા કેસ નોંધાયા છે, જ્યારે 3523 દર્દીઓનાં મોત નીપજ્યાં છે. છેલ્લા 24 કલાકમાં 2,99,988 લોકો કોરોનાથી સાજા થયા છે. આ પહેલા ગુરુવારે દેશમાં 386,452 નવા કેસ નોંધાયા હતા. દુનિયાના કુલ કેસોના દરરોજ આશરે 40 ટકા કેસ ભારતમાં દાખલ કરવામાં આવે છે.