PDP ના પ્રમુખ અને જમ્મુ-કાશ્મીરના પૂર્વ મુખ્યમંત્રી મહેબૂબા મુફતીને શ્રીનગર ગુપકારમાં આવેલ સરકારી બંગલો ખાલી કરવા માટે નોટિસ ફટકારવામાં આવી છે. જમ્મુ-કાશ્મીર તંત્ર દ્વારા આ નોટિસ મોકલવામાં આવી છે.
આ બાબતે મહેબૂબા મુફતીએ કહ્યું કે થોડા દિવસ પહેલા તેમને સરકારી બંગલો ફેરવ્યૂ ખાલી કરવાની નોટિસ આપવામાં આવી છે. આશ્ચર્યજનક નથી અને તે વર્તમાન વહીવટી તંત્ર પાસેથી અપેક્ષીત છે. તેમણે કહ્યું કે નોટિસમાં ઉલ્લેખ છે કે બંગલો જમ્મુ-કાશ્મીરના મુખ્યમંત્રી માટે છે, પરંતું એવું નથી.
મહેબૂબા મુફતીને વૈકલ્પિક બંગલાની ઓફર
મહેબૂબા મુફતીએ કહ્યું કે આ જગ્યા મારા પિતા(મુફ્તી મોહમ્મદ સઈદ) ને ડિસેમ્બર 2005 માં ફાળવવામાં આવી હતી. જ્યારે તેમણે મુખ્યમંત્રી પદ છોડ્યું હતું. આથી વહીવટી તંત્ર દ્વારા આપવામાં આવેલ આધારો યોગ્ય નથી.પીપલ્સ ડેમોક્રેટિક પાર્ટી ના વડાએ કહ્યું કે તે તેની માટે કાનૂની ટીમની સલાહ લેશે. સૂત્રો દ્વારા જાણવા મળતી માહિતી મુજબ PDP ચીફ મહેબૂબા મુફ્તીને વૈકલ્પિક બંગલાની ઓફર કરવામાં આવી છે.