કામની વાત / ગુડ ન્યુઝ: આ વર્ષે થર્ડ પાર્ટી ઇન્શ્યોરન્સની કિંમતમાં નહીં થાય વધારો! જાણો કારણ

• ડ્રાફ્ટ નોટિફિકેશનમાં થર્ડ પાર્ટી મોટર વીમાની કિંમતમાં વધારો ન કરવાનો પ્રસ્તાવ મૂક્યો
• કમર્શિયલ પેસેન્જર ગાડીઓ પર પણ ડિસ્કાઉન્ટ 
• કાર્બન ઉત્સર્જનને ધ્યાનમાં રાખીને સરકારનું વધારે ફોક્સ ઇલેક્ટ્રિક વાહનો પર છે

Insurance Premium for 2023-24: ગાડીઓના  માલિકોને થોડી રાહત આપતા, માર્ગ પરિવહન અને રાજમાર્ગ મંત્રાલયે તેના ડ્રાફ્ટ નોટિફિકેશનમાં થર્ડ પાર્ટી મોટર વીમાની કિંમતમાં વધારો ન કરવાનો પ્રસ્તાવ મૂક્યો છે.

અનેક પ્રકારની ગાડીઓના પ્રીમિયમમાં છૂટ 
મીડિયા રિપોર્ટ અનુસાર, માર્ગ પરિવહન અને રાજમાર્ગ મંત્રાલયે પણ તેના નોટિફિકેશનમાં ઘણા પ્રકારના વાહનોના થર્ડ પાર્ટી વીમાના પ્રીમિયમમાં છૂટ આપવાનો પ્રસ્તાવ મૂક્યો છે. જેમાં અમર્યાદિત જવાબદારીનો સમાવેશ થાય છે, જે અચાનક વીમા ઉદ્યોગ માટે મોટો ફટકો બની શકે છે.

આ વાહનોના પ્રીમિયમ પર ડિસ્કાઉન્ટ 
મંત્રાલયે શૈક્ષણિક સંસ્થાઓની બસો પર 15 ટકા ડિસ્કાઉન્ટ, ખાનગી વિન્ટેજ કાર પર 50 ટકા ડિસ્કાઉન્ટ, ઇલેક્ટ્રિક વાહનો પર 15 ટકા અને હાઇબ્રિડ ઇલેક્ટ્રિક વાહનો પર 7.5 ટકા ડિસ્કાઉન્ટનો પ્રસ્તાવ મૂક્યો છે. આ સિવાય 3 વ્હીલર પેસેન્જર વાહનોના બેઝ પ્રીમિયમમાં લગભગ 6.5 ટકાનો ઘટાડો કરવાનો પ્રસ્તાવ પણ સામેલ છે.

કમર્શિયલ પેસેન્જર ગાડીઓ પર પણ ડિસ્કાઉન્ટ 
આ સાથે સાથે ઓટો રિક્ષાનું બેઝિક પ્રીમિયમ 2023-24 માટે 2371 રૂપિયા પ્રસ્તાવિત કરવામાં આવ્યું છે, જે તેના હાલના 2,539 રૂપિયાના પ્રીમિયમ કરતાં 6.8 ઓછું છે. તે જ સમયે, ઇ-રિક્ષા માટે પ્રસ્તાવિત પ્રીમિયમ રૂ. 1,539 છે, જ્યારે તેનું વર્તમાન પ્રીમિયમ રૂ. 1,648 છે.

આ ગાડીઓના પ્રીમિયમમાં કોઇ બદલાવ નહીં
ડ્રાફ્ટ નોટિફિકેશન મુજબ, લોકપ્રિય અને બજેટ વાહનો માટે થર્ડ પાર્ટી પ્રીમિયમ રૂ. 2,094 અને SUV માટે રૂ. 7,897 પર યથાવત રહેશે.

ઇલેક્ટ્રિક ગાડીઓ પર વધારે ફોક્સ 
કાર્બન ઉત્સર્જનને ધ્યાનમાં રાખીને સરકારનું વધારે ફોક્સ ઇલેક્ટ્રિક વાહનો પર છે. જે માત્ર પ્રદુષણ ઘટાડવામાં જ મદદ કરશે નહીં, પરંતુ મોંઘા પેટ્રોલ ડીઝલથી પણ મહદઅંશે છુટકારો મેળવશે અને સ્વચ્છ ઈંધણ એવા ઓટોમોબાઈલ ક્ષેત્રના વિકાસમાં મદદ કરશે.