દુનિયાનું સૌથી જોખમી એરપોર્ટ તરીકે સેન્ટ માર્ટીન પ્રિન્સેજ જુલિયાના ઇન્ટરનેશનલ એરપોર્ટ ઓળખાય છે. આ એરપોર્ટ કેરેબિયન આઈલેન્ડ પર આવેલું છે જે બીચ સાથે જોડાયેલું છે. અહીં પાયલોટની એક માત્ર ભૂલના કારણે મોટી દુર્ઘટના સર્જાઈ શકે છે.
આ એરપોર્ટનો રનવે એકદમ વચ્ચે છે. આ કારણે ઘણીવાર પ્લેન બીચ પર એટલા નીચેથી પસાર થાય છે કે પ્રવાસીઓને લાગે છે કે તેઓ હાથ વડે તેને ટચ કરી શકશે. તે દરમિયાન પ્લેન માથાની એકદમ ઉપરથી પસાર થાય છે. જો કે આવું કોઈ નથી કરતુ કારણકે તે ખતરનાક છે.
આ અદ્દભુત નજારો જોવા માટે દુનિયાભરના લોકો આ બીચ પર આવે છે. આ દરમિયાન પ્રવાસી સમુદ્ર તટનો આનંદ ઉઠાવવાની સાથે-સાથે પ્લેનનું ઉતરાણ પણ નજીકથી જોઈ શકે છે. આ કારણે તેને દુનિયાના સૌથી ખતરનાક એરપોર્ટમાંથી એક માનવામાં આવે છે. પાયલોટને પણ પ્લેન લેન્ડિંગ કરાવતા દરમિયાન ખાસ ધ્યાન રાખવું પડે છે. અહીં ચેતાવણી બોર્ડ પણ લાગેલું છે.
