ચીન અને પાકિસ્તાનને એક વાર ફરીથી ભારતને ઉશ્કેરવાની કાર્યવાહી કરી છે. બંને દેશોની સેના દ્વારા પાકિસ્તાનના કબજા હેઠળના કાશ્મીર (PoK)ના સરહદી વિસ્તારોમાં પરેડ કરવામાં આવી છે. આવું પ્રથમ વખત થઈ રહ્યું છે જ્યારે પાકિસ્તાન અને ચીનની સેનાઓએ આ વિસ્તારમાં જોઇન્ટ પરેડ કરી છે.
ચીનના સરકારી ન્યૂઝપેપર 'પીપલ્સ ડેલી'ની વેબસાઇટ પર પ્રકાશિત તસવીરો પ્રમાણે શિનજિયાંગ PALના ફ્રંટિયર રેજિમેન્ટ અને પાકિસ્તાન સરહદ પોલીસના જવાનો ચીન-PoK સરહદ પર પરેડ કરતા જોવામાં આવ્યા છે. 'પીપલ્સ ડેલી' આ વિસ્તારને "ચીન-પાકિસ્તાન બોર્ડર" કહી રહ્યું છે જ્યારે કે શિનજિયાંગની સરહદ માત્ર PoKથી જોડાયેલી છે. ભારત સરકાર PoKને ભારતીય ક્ષેત્રનું અભિન્ન હિસ્સો માને છે.
આ પહેલા ન તો ચીનની સરકારે કે ચીની મીડિયાએ સંવેદનશીલ PoK વિસ્તારમાં જોઇન્ટ પરેડની વાત કબૂલી છે. નિષ્ણાતોના કહેવું છે કે આનાથી ચીનના ઇરાદા સામે આવી રહ્યા છે કે તે PoKમાં પોતાની હાજરી વધારવા ઇચ્છે છે.
