નવી દિલ્લી: હવે ફેસબુક પર ઉપલબ્દ ફીચર તમારા માટે મતદાર રજિસ્ટ્રેશનનું કામ આસાન કરી દશે. ફેરબુકે ઉત્તરાખંડમાં આગામી વિધાનસભાની ચુંટણીમાં મતદાન રજિસ્ટ્રેશનના અભિયાન માટે પોતાનો હાથ લંબાવતા એક વિશેષ બટન સક્રિય કરવાનો નિર્ણય લીધો છે. જે બટન 'રજિસ્ટર-ટુ-વોટ' તરીકે મુકવામાં આવ્યું છે. ઉત્તરાખંડમાં 8 ઓક્ટોબરથી એને સક્રિય કરવામાં આવ્યું છે. ફેસબુક એ બધા જ રાજ્યો માટે આ બટન એક્ટિવ કર્યું છે જ્યાં આગામી વિધાનસભાની ચુંટણી યોજાવા જઈ રહી છે.
ફેસબુકની આ પહેલનું સ્વાગત કરતા પ્રદેશ પ્રમુખ મુખ્ય ચુંટણી અધિકારી રાધા રતૂડીએ કહ્યું છે કે આનાથી યુવાનોમાં મતદાર બનવા તરફ અભિગમ વઢશે. તેમણે કહ્યું છે કે યુવાનો આ દેશનું ભવિષ્ય છે અને લોકતંત્રનો સૌથી મહત્ત્વપૂર્ણ પર્વ ચુંટણીમાં તેઓનું સહભાગી થવું ખૂબ જરૂરી છે.
