સવાર સવારમાં આંખ ખુલતા જ છાપામાં આવતી અટપટી જાહેરાતો જોવી કોઈ નવી વાત નથી. પરંતુ શુક્રવારના અખબારને લઈને ઇન્ટરનેટ પર બધી જગ્યાએ જેમ્સ બોન્ડને જ્યારે પાન મસાલાના ડબ્બા સાથે બતાડવામાં આવ્યો ત્યારે લોકો હેરાન રહી ગયા.
'જેમ્સ બોન્ડ 007' સીરીઝની "ગોલ્ડન આઈ" "'ટુમોરો નેવર ડાઇઝ" "ડાઇ અનધર ડે" જેવી ફિલ્મોમાં જેમ્સ બોન્ડના પાત્ર ભજવનારા હોલીવુડ અભિનેતા પિયર્સ બ્રોસનને પાન મસાલાની જાહેરાત કરી છે. જોત જોતામાં સોશિયલ મીડિયા પર આ જાહેરાત શેર થવા લાગી અને ટ્વીટ પર તે Bond ટ્રેન્ડ કરવા લાગી.
એક યુઝરે ટ્વીટ કર્યું કે 'જેમ્સ બોન્ડ આપણા સિંઘમની જેમ પાન મસાલાની જાહેરાત કરી રહ્યો છે. હોલીવુડ હવે બોલીવુડની કોપી કરી રહ્યું છે. અચ્છે દિન.'
