ભારતીય સેના દ્વારા PoKમાં આતંકીઓ વિરુદ્ધ સર્જિકલ સ્ટ્રાઇકને જૂઠાણું ગણાવી રહેલા પાકિસ્તાનને આંતરરાષ્ટ્રીય સ્તરે એક પછી એક ઝટકા લાગી રહ્યા છે. ભારતીય સેનાએ સર્જિકલ સ્ટ્રાઈકનું કેમેરા દ્વારા શુટિંગ કરવામાં આવ્યું હતું જેમાં 90 મિનિટનો વીડિયો સરકારને સોંપ્યો છે.
સેનાએ વીડિયોને સાર્વજિનક કરવા માટે લીલી ઝંડી બતાવી દીધી છે. પરંતુ હવે વડાપ્રધાન નરેન્દ્ર મોદીને આના પર આખરી નિર્ણય લેવો પડશે. મોદી મંજૂરી આપ્યા પછી એ નક્કી થશે કે વીડિયો સાર્વજનિક કરવામાં આવવો જોઈએ કે કેમ. મળતી માહિતી પ્રમાણે સર્જિકલ સ્ટ્રાઇક પર પાકિસ્તાન અને કોંગ્રેસ-કેજરીવાલના સવાલો ઊઠ્યા પછી સેના ચાહે છે કે આ કાર્યવાહીનો વીડિયો જાહેર કરવામાં આવે.
