રાજસ્થાનના બાડમેરમાં શનિવારે ભારતીય વાયુસેનાનું મિગ 21 ફાઈટર વિમાન ક્રેશ થયું. મિગ ક્રેશ થયા બાદ વિમાનમાં સવાર બંને પાયલટોનો આબાદ બચાવ થયો છે. તેઓએ પેરાશૂટ વાપરીને પોતાની જાન બચાવી હતી. આ ક્રેશમાં કોઈ માલમિલકતને નુકસાન થવાના સમાચાર બહાર આવ્યા નથી.
એવું જણાવાઈ રહ્યું છે કે ટેકનિકલ ખામીને કારણે વિમાનને વસ્તીવાળા વિસ્તારથી દૂર લઈ જવામાં આવ્યું હતું ત્યાર બાદ પાયલટોએ સફળતાપૂર્વક ઇજેક્ટ કરી લીધા હતા. પાયલટના કૂદ્યા પછી બેકાબૂ થયેલું ફાયટર જેટ જોરદાર ધડાકા સાથે એક ખેતરમાં જઈ પડ્યું હતું. પ્રત્યદર્શી રાળારામના જણાવ્યા પ્રમાણે નીચે પડેલું વિમાન સંપૂર્ણ રીતે ભાંગી ગયું હતું અને ભંગાણમાં પરિણમ્યું હતું.
