જો તમે એરટેલ બ્રોડબેન્ડના ગ્રાહક હોય તો તમારા માટે એક સારા સમાચાર છે. કંપનીએ પોતાની પોસ્ટ પેઈડ અને ડિઝીટલ ટીવી જેવી અન્ય સર્વિસનો ઉપયોગ કરતા ગ્રાહકોને દર મહિને 5GB વધારે ડેટા આપવાની જાહેરાત કરી છે. આ ઓફર My Home Rewards પ્રોગ્રામ અંતર્ગત આપવામાં આવી રહી છે.
એરટેલની કોઈપણ સર્વિસનો ઉપયોગ કરનાર યૂઝરને 5GB વધારે ડેટા મળશે. ઉદાહરણ તરીકે જો તમે એરટેલ બ્રોડબેન્ડનો ઉપયોગ કરતા હોય અને તમારી પાસે કંપનીના બે પોસ્ટ પેઈડ મોબાઈલ અને DTH કનેક્શન હશે તો તમને દર મહિને 15GB વધારે ડેટા મળશે.
એરટેલની આ ઓફર નવા તેમજ જુના એમ બંને ગ્રાહકોને મળશે. કંપનીએ ઈ-મેઈલ દ્વારા આપેલા નિવેદનમાં જણાવ્યું છે કે લેન્ડલાઈન પર મફત અનલિમિટેડ કોલિંગ સાથે હવે ગ્રાહકોને ડેટા પેક સાથે એરટેલ બ્રોડબેન્ડ પર 15GB ડેટા મફત મળી શકશે.
આ વધારાનો મફત ડેટા મેળવવા માટે ગ્રાહકે MyAirtel App નો ઉપયોગ કરી શકે છે. અથવા તો કંપનીની વેબસાઈટ પર જઈને પોતાના કનેક્શનને રજીસ્ટર કરાવી શકે છે.
