રજનીકાન્તની ફિલ્મ કબાલી દુનિયાભરમાં ધમાલ મચાવી રહી છે ત્યારે તેના ફેનમાં ફિલ્મને લઈને ગાંડપણ સવાર થયેલું જોવા મળી રહ્યું છે. રજનીની કબાલી જોવા માટે ફેન્સના ટોળેટોળા ફિલ્મ થિયેટરોમાં ઊમટી રહ્યાં છે. જોકે મલેશિયામાં રજનીના એક અતિઉત્સાહી ચાહકે રિલિઝના દિવસે ટિકિટ ન મળતા પોતાનું જીવન ટૂંકાવી દીધું હતું.
મળતી માહિતીને આધારે રજનીના ફેને 10 માળની બિલ્ડિંગ ઉપરથી છલાંગ લગાવી દીધી હતી.
આ ઘટના મલેશિયામાં આવેલા કેનીસિસિ બિલ્ડિંગમાં બની હતી જ્યાં કબાલી ફિલ્મ જોવા માટે રજનીના એક ચાહકે આપઘાત કર્યો હતો.
આ ઘટનાને પગલે સમગ્ર મલેશિયામાં અરેરાટી પ્રસરી ગઈ હતી. તેમ છતાં સમગ્ર દેશમાં કબાલીને લઈને ચાહકોમાં ભારે ઉત્તેજના જોવા મળી રહી છે.
