ચેતવણી / મુંબઈના દરિયામાં 15 ફૂટ ઊંચા મોજા ઉછળશે, હાઈ ટાઈડની વૉર્નિંગ

IMD Alert: દેશમાં ચારેબાજુ વરસાદ વરસી રહ્યો છે. અનેક રાજ્યોમાં ભારે વરસાદથી પૂર જેવી પરિસ્થિતિ સર્જાઈ છે. ગઈકાલે એટલે કે 23 જુલાઈએ રાજધાની દિલ્હીમાં ભારે વરસાદને કારણે અનેક વિસ્તારો પાણીમાં ગરકાવ થયા હતા. ત્યારે હવે હવામાન વિભાગે વધુ એક ચેતવણી આપી છે.

દરિયો તોફાની બન્યો

ભારે વરસાદથી નદીઓમાં ઘોડાપૂર આવ્યા છે તો દરિયો પણ તોફાની બન્યો છે. હવામાન વિભાગે અનેક રાજ્યોમાં વરસાદનું એલર્ટ આપ્યું છે. દિલ્હીથી લઈને મુંબઈ સુધી તેમજ દક્ષિણના કેટલાક રાજ્યોમાં ભારે વરસાદની આગાહી કરવામાં આવી છે. ગુજરાતના કેટલાક વિસ્તારોમાં વરસાદની સંભાવના પણ વ્યક્ત કરવામાં આવી છે. તો મુંબઈને લઈને એક મોટી ચેતવણી આપવામાં આવી છે.

મુંબઈમાં હાઈ ટાઈડનું એલર્ટ

હવામાન વિભાગે આજે એટલે કે 24 જુલાઈના રોજ હાઈ ટાઈડને લઈને એલર્ટ જાહેર કર્યું છે. આજે સવારે 11 વાગ્યા બાદ દરિયામાં ભારે કરંટ જોવા મળશે અને અંદાજે 15 ફૂટ સુધી મોજા ઉછળી શકે છે. હાઈ ટાઈડને ધ્યાનમાં રાખીને લાઈફગાર્ડ્સને સતર્ક રહેવા કહેવાયું છે તેમજ લોકોને અને માછીમારોને પણ સાવચેતી રાખવા સૂચના આપવામાં આવી છે. કોઈ અનઈચ્છિનિય ઘટના ન બને તે માટે તંત્રને પણ દરિયાકાંઠે એલર્ટ મોડ પર રાખવામાં આવી છે.

View this post on Instagram

A post shared by MumbaiInLast24Hrs (@mumbaiinlast24hrs)

વધુ વાંચો : ગુજરાતમાં આગામી અઠવાડીયું રહેશે તોફાની, વહાણવટી વરસાદની આગાહી સાંભળી થથરી જશો

આ રાજ્યોમાં ભારે વરસાદની આગાહી

ભારતીય હવામાન વિભાગે (imd)એ અનેક રાજ્યોમાં આગામી 6થી 7 દિવસ સુધી ભારેથી અતિભારે વરસાદની આગાહી કરવામાં આવી છે. જેમાં કેરળ, કર્ણાટક, આંધ્રપ્રદેશ, તેલંગાણા, કોંકણ અને ગોવા, મધ્ય મહારાષ્ટ્ર, મધ્યપ્રદેશ, વિદર્ભ અને છત્તીસગઢમાં અનરાધાર વરસાદની સંભાવના વ્યક્ત કરવામાં આવી છે. આ ઉપરાંત દરિયાકાંઠાના વિસ્તારોમાં પણ ભારે વરસાદની આગાહી કરવામાં આવી છે.

બંગાળની ખાડીમાં સક્રિય થઈ રહી છે સિસ્ટમ

ભારતીય હવામાન વિભાગે વધુમાં જણાવ્યું હતુ કે, બંગાળની ખાડીમાં એક તીવ્ર દબાણ બની રહ્યું છે જેના કારણે નવી સિસ્ટમ બની રહી છે, જેથી આજથી 28 જુલાઈ સુધી દક્ષિણ બંગાળ કેટલાક ભાગોમાં ભારેથી અતિભારે વરસાદની શક્યતા છે. બંગાળની ખાડીના ઉત્તરના ભાગોમાં ચક્રવાતી પવનો ફૂંકાઈ શકે છે અને દક્ષિણ બંગાળના ભાગોમાં ભારે વરસાદ વરસી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ