વાયરલ / ક્યારેય નહીં જોઇ હોય આવી દેશી લેમ્બોર્ગિની! વીડિયો વાયરલ થતા જ યુઝર્સે કહ્યું 'ફાયર'

Desi Lamborghini : આજકાલ સોશિયલ મીડિયા પર અનેક પ્રેરણાદાયક વીડિયો વાયરલ થતાં હોય છે. આવો જ એક વીડિયો હાલ કેરળથી સામે આવ્યો છે. શું તમે ક્યારેય વિચાર્યું છે કે જો તમારી પાસે મોંઘી સ્પોર્ટ્સ કાર ખરીદવા માટે પૈસા ન હોય તો શું થશે? બિબિન નામના એક વ્યક્તિએ આનો જવાબ શોધી કાઢ્યો છે. કેરળના આ મિકેનિકે મૂળ લેમ્બોર્ગિનીનું દેશી વર્ઝન બનાવીને ઇન્ટરનેટ પર લોકોને આશ્ચર્યચકિત કરી દીધા છે. તેમની અદ્ભુત કહાની હવે સોશિયલ મીડિયા પર ઝડપથી ફેલાઈ ગઈ છે.

કેરળના મિકેનિક બિબિને જણાવ્યું કે, તેણે આ મહત્વાકાંક્ષી પ્રોજેક્ટ પર લગભગ ત્રણ વર્ષ પહેલાં કામ શરૂ કર્યું હતું. બિબિને લેમ્બોર્ગિનીનું 'દેશી વર્ઝન' બનાવવા માટે સ્ક્રેપ મટિરિયલનો ઉપયોગ કર્યો છે . હા તમે સાચું સાંભળ્યું. તેને નજીકના સ્ક્રેપયાર્ડમાંથી કચરાના ભાગો અને સ્થાનિક હાર્ડવેરની દુકાનોમાંથી અન્ય વસ્તુઓ મળી. ભલે તે વિચિત્ર લાગે તેણે કારના બાહ્ય ભાગ પર કાર્ડબોર્ડનો ઉપયોગ કરીને તેને વાસ્તવિક લેમ્બોર્ગિની દેખાવ આપ્યો છે. આ સાથે તેણે મેટલ પાઇપ અને ફાઇબરગ્લાસ જેવી સામગ્રીનો ઉપયોગ કરીને પોતાનું બજેટ પણ નિયંત્રણમાં રાખ્યું છે.

View this post on Instagram

A post shared by Arun Smoki (@arunsmoki)

એક કંપનીના ગુણવત્તા ખાતરી વિભાગમાં કામ કરતા બિબિને કહ્યું કે, મર્યાદિત ભંડોળ અને સમયને કારણે તેમને કેટલીક મુશ્કેલીઓનો સામનો કરવો પડ્યો, પરંતુ તેમણે હાર ન માની. તમને જણાવી દઈએ કે તેમણે અત્યાર સુધીમાં લેમ્બોર્ગિનીના તેમના દેશી વર્ઝન પર 80% કામ પૂર્ણ કરી લીધું છે, અને તેના પર લગભગ 1.5 લાખ રૂપિયા ખર્ચ્યા છે.

'દેશી' લમ્બોરગીનીમાં અલ્ટોના ટાયર

સૌથી રસપ્રદ વાત એ છે કે, લેમ્બોર્ગિનીના વ્હીલ્સ બજેટની બહાર હતા તેથી બિબિને તેની વૈભવી કારમાં દેશી ટચ ઉમેરવાનું નક્કી કર્યું અને મારુતિ અલ્ટોના વ્હીલ્સનો ઉપયોગ કર્યો. એટલું જ નહીં તેણે આખી કારને વ્હીલ્સના કદ અનુસાર ફરીથી ડિઝાઇન કરી.

આ પણ વાંચો : Video: ધસમસતા પ્રવાહમાં સાહસ કરવું ડ્રાઇવરને ભારે પડ્યું, જોતજોતામાં જ ટ્રકની જળ સમાધિ!

સોશિયલ મીડિયા યુઝર્સ મિકેનિકની મહેનત અને તેના સ્વપ્નને પૂર્ણ કરવાના જુસ્સાની પ્રશંસા કરી રહ્યા છે. યુટ્યુબર અરુણ સ્મોકીએ બિબિનનો ઇન્ટરવ્યુ લીધો હતો અને તેની કહાની હવે સોશિયલ મીડિયા દ્વારા હજારો લોકો સુધી પહોંચી ગઈ છે. એક યુઝરે ટિપ્પણી કરી બિબીન માત્ર પ્રતિભાશાળી જ નથી, પરંતુ તેમનું સમર્પણ પણ પ્રશંસનીય છે. બીજા યુઝરે કહ્યું, સ્ક્રેપને એક મહાન કલામાં ફેરવવા માટે પ્રતિભા, ધીરજ અને જુસ્સાની જરૂર પડે છે, અને તમારી અંદર આ બધું છે. તમારી ભાવનાને સલામ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ