મુંબઈ / મુંબઈ જતી ટ્રેનમાં હડકંપ, AC કોચના ટોયલેટમાંથી 5 વર્ષના બાળકનો મળ્યો મૃતદેહ

મુંબઈથી પસાર થતી કુશીનગર એક્સપ્રેસમાં એક હ્રદયસ્પર્શી ઘટના સામે આવી છે. ટ્રેનના AC કોચ B2ના બાથરૂમની એક ડસ્ટબીનમાંથી પાંચ વર્ષના બાળકનો મૃતદેહ મળી આવતાં સમગ્ર ટ્રેનમાં અને રેલવે તંત્રમાં હડકંપ મચી ગયો છે. મળતી વિગતો મુજબ, આ બાળકનું પહેલાં અપહરણ કરવામાં આવ્યું હતું અને તેમાં કોઈ અન્ય નો હાથ નહીં પણ તેના જ પરિવારના એક સભ્ય, ખાસ કરીને પિતરાઈ ભાઈના સંડોવણીના સંકેતો મળી રહ્યા છે.

જ્યારે ટ્રેન ઉત્તરપ્રદેશ તરફ જતી હતી ત્યારે કેટલાક મુસાફરો AC કોચ B2ના બાથરૂમમાં દુરગંધની ફરિયાદ કરી રહ્યા હતા. રેલવે સ્ટાફે તપાસ કરતાં તેઓને બાથરૂમમાં મૂકેલા ડસ્ટબીનમાં બાળકનો મૃતદેહ મળ્યો. આ ઘટનાએ મુસાફરો અને સ્ટાફને પણ હચમચાવી નાખ્યા હતા. તાત્કાલિક રેલવે અધિકારીઓ અને RPFની ટીમને જાણ કરવામાં આવી હતી. ટીમ ઘટનાસ્થળે પહોંચી અને તરત પોલીસ તપાસ શરૂ કરવામાં આવી.

બાળકના મૃતદેહને પોસ્ટમોર્ટમ માટે મોકલવામાં આવ્યો હતો. પ્રાથમિક તપાસમાં પોલીસને મળેલી માહિતી મુજબ, આ બાળકનું થોડા સમય પહેલા અપહરણ થયું હતું. ત્યારબાદ તેના પરિવારજનો દ્વારા ફરિયાદ નોંધવામાં આવી હતી. અત્યાર સુધી મળતી માહિતી અનુસાર બાળકના પિતરાઈ ભાઈ પર ગંભીર શંકા વ્યક્ત થઈ રહી છે. આ ઘટના પછી ટ્રેનના મુસાફરોમાં ભયનો માહોલ જોવા મળ્યો હતો. ઘણા મુસાફરોએ રાહતના ધબકારા લીધા કે ઘટનાનું ઝડપથી ભેદ ઉકેલવામાં આવ્યો.

પણ બીજી તરફ, ટ્રેન જેવી સુરક્ષિત ગણી શકાય તેવી જગ્યા પર આવી ગંભીર ઘટના થતા લોકોમાં ભવિષ્યમાં મુસાફરી માટે ભય વ્યાપી ગયો છે. રેલવે પ્રશાસન અને પોલીસે ઘટનાને ગંભીરતાથી લેતા AC કોચની સંપૂર્ણ તપાસ શરૂ કરી છે. CCTV ફૂટેજ, મુસાફરોના ટિકિટ રેકોર્ડ અને હાજર રહેલા યાત્રીઓના નિવેદન એકત્ર કરવામાં આવી રહ્યા છે. પોલીસ હવે આરોપી પિતરાઈ ભાઈની શોધખોળમાં લાગી ગઈ છે.

વધુમાં વાંચો: 'મેં 80 લાશો દફનાવી, કેટલીક પર યૌન શૌષણના નિશાન', ધર્મસ્થળ કેસમાં મોટો ટ્વિસ્ટ, ફરિયાદી જ ઝડપાયો

આ ઘટના સમાજ માટે ચેતવણીરૂપ છે. જ્યારે પરિવારના જ લોકો વિશ્વાસઘાત કરે છે ત્યારે સમાજની નૈતિકતા અને માનવીય સંવેદનાઓ પર મોટો ઊભો થાય છે. રેલવે તંત્રે પણ હવે સુરક્ષા વ્યવસ્થાઓમાં વધુ કડકાઈ લાવવાની જરૂર જણાવી છે. પોલીસ તપાસ યથાવત છે અને નજીકના દિવસોમાં વધુ ખુલાસાઓની શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ