શોકની ખબર / પહેલા ધોરણમાં ભણતા છોકરાના હાર્ટે દગો દીધો, આંખના પલકારામાં નીકળી ગયો જીવ, મ્યોકાર્ડિટિસથી ચેતજો

• ઈન્દોરમાં નાની ઉંમરમાં હાર્ટએટેકથી મોતનો કિસ્સો
• પહેલા ધોરણમાં ભણતા છોકરાનું બંધ પડી ગયું હાર્ટ
• સ્કૂલના કાર્યક્રમ માટે દિલ્હી આવ્યો હતો, ત્યાં ઢળી પડતાં થયું મોત

થોડા સમય પહેલા હાર્ટ એટેક અને હાર્ટ ડિસીઝ જેવી બીમારીઓ માત્ર મોટી ઉંમરના લોકોને જ થતી હતી. પરંતુ બદલાતી લાઈફસ્ટાઈલના કારણે ધીમે ધીમે આ બીમારી હવે યુવાનો અને બાળકોને પોતાની ઝપેટમાં લઈ જઈ રહી છે. નાની ઉંમરમાં હાર્ટએટેકથી મોતનો એક આઘાતજનક કિસ્સો સામે આવતાં લોકોમાં ચિંતા વધી છે. મધ્યપ્રદેશના ઇન્દોરમાં 6 વર્ષના માસૂમ બાળકના હાર્ટ ફેલ થવાના કારણે મોતના મામલાએ સૌને ચોંકાવી દીધા છે. ઈન્દોરની ડેઈલી કોલેજ સ્કૂલનો પહેલા ધોરણનો વિદ્યાર્થી વેહાન જૈન અચાનક બીમાર પડી ગયો હતો. તેને સારવાર માટે હોસ્પિટલમાં લઈ જવાયો હતો સારવાર દરમિયાન કાર્ડિયાક અરેસ્ટના કારણે તેમનું મોત નીપજ્યું હતું. ઈન્દોરના કંચન બાગમાં રહેતા રાહુલ જૈનનો 6 વર્ષનો પુત્ર માસ્ટર વેહાન જૈન ડેઈલી કોલેજ સ્કૂલના પહેલા ધોરણમાં ભણતો હતો. તે પોતાના પરિવાર સાથે આ કાર્યક્રમમાં ભાગ લેવા દિલ્હી ગયો હતો. અચાનક તબિયત લથડતાં તેને ખાનગી હોસ્પિટલમાં દાખલ કરવામાં આવ્યો હતો, જ્યાં શનિવારે રાત્રે તેનું મોત નીપજ્યું હતું. પિતા રાહુલ જૈનના જણાવ્યા અનુસાર, પુત્ર વેહાનનું મૃત્યુ કાર્ડિયાક એરેસ્ટના કારણે થયું હતું. 

પરિવારમાં એકનો એક દીકરો હતો વેહાન
વેહાન છેલ્લા કેટલાક સમયથી કમજોર દેખાતો હતો. થોડા સમય પહેલા તબિયત લથડતાં તેને ઈન્દોરના ડોક્ટર પાસે લઈ જવાયો હતો જે પછી સારુ થતાં તે પરિવાર સાથે દિલ્હી ગયો હતો જ્યાં તેની તબિયત લથડતાં તેને ખાનગી હોસ્પિટલમાં દાખલ કરાયો હતો અને ત્યાં તેને હાર્ટએટેક આવ્યો હતો જે દરમિયાન તેનું મોત થયું હતું. 

હાર્ટનું પમ્પિંગ ઓછું થતાં થયું મોત 
ડોકટરોએ કહ્યું છે કે મૃત્યુનું કારણ મ્યોકાર્ડિટિસ છે. મ્યોકાર્ડિટિસમાં હાર્ટનું પમ્પિંગ ઓછું થઇ જાય છે. આટલી નાની ઉંમરમાં હાર્ટએટેકથી મોત બાદ લોકોમાં મોટા પાયે શોક વ્યાપ્યો હતો, સહુ કોઈને પોતાનાની ચિંતા સતાવવા લાગી હતી. 

મ્યોકાર્ડિટિસ શું છે 
મ્યોકાર્ડિટિસ અથવા મ્યોકાર્ડિયમમાં હૃદયના સ્નાયુઓની બળતરા. જેના કારણે છાતીમાં દુખાવો, શ્વાસ લેવામાં તકલીફ, છાતીમાં દુખાવો, થાક, માથાનો દુખાવો, તાવ અથવા ગળામાં દુખાવો જેવા લક્ષણો અનુભવાય છે. મ્યોકાર્ડિટિસ લોહીને પમ્પ કરવાની ક્ષમતાને પણ અસર કરે છે. હાર્ટ એટેક હાર્ટમાં ક્લોટ થવાના કારણે આવી શકે છે. આવામાં તમારે તરત જ ડૉક્ટરનો સંપર્ક કરવો જોઈએ.