ટેક્નોલોજી / પૈસા આપો અથવા એડ જુઓ! ફેસબુક-Insta યુઝર્સ માટે સૌથી મોટા સમાચાર

મેટા પ્લેટફોર્મનો ઉપયોગ કરતી વખતે ફેસબુક અને ઇન્સ્ટાગ્રામ પર દેખાતી જાહેરાતોથી ઘણા લોકો પરેશાન થાય છે. જો તમે પણ આ સમસ્યાનો સામનો કરી રહ્યા છો, તો મેટાએ વપરાશકર્તાઓ માટે આ સમસ્યાના ઉકેલનો રસ્તો શોધી કાઢ્યો છે. કંપનીએ હવે વપરાશકર્તાઓ માટે પેઇડ સબ્સ્ક્રિપ્શન પ્લાન રજૂ કર્યો છે. આનો અર્થ એ છે કે તમે ચૂકવણી કરશો તો જાહેરાત-મુક્ત અનુભવ મેળવી શકશો.

મેટા એડ ફ્રી પ્લાન

જો તમે ફેસબુક અને ઇન્સ્ટાગ્રામનો ઉપયોગ કરતી વખતે જાહેરાતો જોવાનું ટાળવા માંગતા હો, તો માસિક પ્લાન GBP 2.99 (આશરે રૂ. 355) થી શરૂ થાય છે. મેટા વેબસાઇટ અનુસાર, એકવાર વપરાશકર્તા સબ્સ્ક્રિપ્શન પ્લાન ખરીદે છે, પછી તેમના ડેટાનો ઉપયોગ વ્યક્તિગત જાહેરાતો માટે કરવામાં આવશે નહીં. સબ્સ્ક્રિપ્શન ફરજિયાત નથી, લોકો જાહેરાતો સાથે ફેસબુક અને ઇન્સ્ટાગ્રામનો ઉપયોગ ચાલુ રાખી શકે છે.

એડ-ફ્રી સબ્સ્ક્રિપ્શન લોન્ચ

મેટાએ હાલમાં યુકેમાં ફેસબુક અને ઇન્સ્ટાગ્રામ યુઝર્સ માટે તેનું એડ-ફ્રી સબ્સ્ક્રિપ્શન લોન્ચ કર્યું છે. આ એડ-ફ્રી પ્લાન ટૂંક સમયમાં અન્ય દેશોમાં પણ લોન્ચ થઈ શકે છે. એન્ડ્રોઇડ અને iOS યુઝર્સને એડ-ફ્રી અનુભવ માટે 3.99 GBP (આશરે રૂ. 474) ચૂકવવા પડશે. મેટાએ દાવો કર્યો છે કે વધારાનો ખર્ચ એપલ અને ગૂગલ દ્વારા વસૂલવામાં આવતી ફીને કારણે છે.

આ પણ વાંચોઃ આજે Googleનો 27મો બર્થડે, કંઇક આવો છે તેનો રિયલ અર્થ, એક ક્લિકમાં જાણો ઇતિહાસ

અંદાજે આટલી ચૂકવણી

જો તમે Instagram અને Facebook બંનેનો ઉપયોગ કરો છો, તો એક ફી પૂરતી નહીં હોય. Meta વધારાના એકાઉન્ટ્સ માટે ઓછી ફી વસૂલશે, બધા વધારાના એકાઉન્ટ્સ માટે 2GBP (આશરે ₹237) અથવા 3GBP (આશરે ₹356) ચાર્જ કરવામાં આવશે, જે પ્લેટફોર્મ (વેબ અથવા Android/iOS) પર આધાર રાખે છે. તેથી, જો તમારી પાસે Facebook અને Instagram પર સંયુક્ત રીતે પાંચ અલગ અલગ એકાઉન્ટ્સ છે, તો એડ ફ્રી અનુભવ માટે તમારે દર મહિને ₹15.99 (આશરે ₹1900) સુધી ચૂકવવા પડી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ