પાટણ / 'તમારા 15 લાખ બગાડ્યા મમ્મી-પપ્પા મને માફ કરજો..'વિદેશમાં અભ્યાસ કરવા ગયેલા મીત પટેલે ઓડિયો રેકોર્ડ કરી કર્યો આપઘાત

• વિદેશમાં અભ્યાસ કરવા જતાં યુવકોના મા-બાપ માટે લાલબતી સમાન કિસ્સો 
• ચાણસ્માના રણાસણ ગામના 23 વર્ષના મીત પટેલનો આપઘાત 
• મીતે તેનાં માતા-પિતાની માંગી માફી

આજકાલ વિદેશમાં યુવકોને અભ્યાસ અર્થે મોકલતા માતા-પિતા માટે લાલબત્તી સમાન કિસ્સો પ્રકાશમાં આવ્ય છે. જેમાં ચાણસ્મા તાલુકાનાં રણાસણ ગામનાં 23 વર્ષનાં યુવક મીત પટેલે આપઘાત કરી લેતા ચકચાર મચી જવા પામી હતી. મીત પટેલે લંડનમાં આપઘાત પહેલાનો ઓડિયો બનાવ્યો હતો. જેમાં મીત પટેલે પોતે ફસાયો હોવાનો દાવો કર્યો હતો. 

મમ્મી પપ્પા મે તમારા 15 લાખ બગાડ્યા મને માફ કરજો-મીત 

મીતે આપઘાત કરતા પહેલા વાયરલ કરેલ ઓડિયોમાં માતા-પિતાની માફી માંગી હતી. મીત પટેલે કહ્યું હતું કે, મમ્મી પપ્પા મેં તમારા 15 લાખ બગાડ્યા મને માફ કરજો. તેમજ કોઈનાં ત્રાસથી આપઘાત કર્યો હોવાની વાત પણ મીતે કરી હતી. મીતે વધુમાં જણાવ્યું હતું કે, હું અહીં ફસાઈ ગયો છું. મારી પાસે કોઈ રસ્તો નથી. 

મૃતદેહને રણાસણ લાવવા પરિવારે સરકાર પાસે માગી મદદઃ જયંતી પટેલ (સરપંચ, રણાસણ ગ્રામ પંચાયત)
આ બાબતે રણાસણ ગામનાં સરપંચ જયંતી પટેલે જણાવ્યું હતું કે, મીતનું અપહરણ કરી તેની પાસે ઓડિયો બનાવ્યાની શંકા છે. મીત પટેલનાં મૃતદેહને રણાસણ લાવવા પરિવારે સરકાર પાસે મદદ માંગી છે.