તૈયારી / ગુજરાતમાં ચૂંટણીની વચ્ચે મિશન 2024 માટે અત્યારથી કામે લાગી BJP, આજે કરાશે આ મોટું કામ

• મિશન 2024 માટે BJP નો એક્શન મોડ ઓન
• ભાજપાનાં કેન્દ્રીય કાર્યાલયમાં આજે યોજાશે ખાસ બેઠક
• ગુજરાત વિધાનસભા અને દિલ્હી એમસીડીની ચૂંટણી કરાશે ચર્ચા
• લોકસભાની 2024ની ચૂંટણી વિષયક થશે વાત

મિશન 2024: ભાજપાનાં કેન્દ્રીય કાર્યાલયમાં આજે 13 નવેમ્બરનાં રોજ મોટી બેઠક યોજવા જઇ રહી છે. આ બેઠકમાં 2024માં થનારી લોકસભાની ચૂંટણીને લઇને રણનિતી બનાવવામાં આવશે. આ બેઠકમાં તમામ મોર્ચાનાં અધ્યક્ષ જોડાશે અને પોતાનાં અત્યાર સુધીનાં રેકોર્ડ્સ રજૂ કરશે. આ સાથે જ કેન્દ્રીય સંગઠન મંત્રી બીએલ પણ આ બેઠકમાં જોડાઇ શકે છે. ગુજરાત વિધાનસભા અને દિલ્હીમાં થનારી એમસીડીની ચૂંટણીને લઇને આ બેઠકમાં ચર્ચા કરવામાં આવશે.

આવનારી ચૂંટણીઓને લઇને  BJP એલર્ટ
આગામી ચૂંટણીઓને ધ્યાનમાં લેતાં બીજેપી વારંવાર બેઠકો કરી રહી છે. છેલ્લા કેટલાક દિવસો ગુજરાત અને હિમાચલ વિધાનસભાની ચૂંટણીઓને લઇને વિવિધ રાજનૈતિક ખેલ પાર્ટી દર્શાવી રહી હતી. વિપક્ષી દળ હવે બીજેપીને હરાવવા માટે એકસાથે ઊભા રહેવાની યોજનાઓ ઘડી રહી છે ત્યારે બીજેપી મિશન મોડમાં આવી છે.

ખુરશીની રેસ શરૂ
એક તરફ કોંગ્રેસ વિધાનસભા અને લોકસભાની ચૂંટણીઓને ધ્યાનમાં લઇને ભારત જોડો આંદોલન કરી રહી છે તો બીજી તરફ બીજેપી પણ લગાતાર રણનિતીઓ બનાવી રહી છે. પીએમ મોદીની મેદા રેલીની યોજના પણ બનાવવામાં આવી રહી છે. 

લોકસભા ઇલેક્શનને લઇને બની રહી છે રણનિતીઓ
લોકસભા ઇલેક્શન 2024ને લઇને રાજનૈતિક માહોલ ધીરે-ધીરે એક્શનમાં આવી રહ્યું હોય તેવું લાગે છે. વિખરાયેલ વિપક્ષીઓ પણ એકજૂથ થવાની યોજનાઓ ઘડી રહ્યાં છે. મિશન 2024 અંતર્ગત નીતીશકુમાર પણ થોડાં સમય પહેલાં દિલ્હી પ્રવાસે ગયાં હતાં. નીતીશે તમામ વિપક્ષી નેતાઓની મુલાકાત લીધી હતી.