રાજનીતિ / MVA ગઠબંધન તૂટું તૂટું થવાની તૈયારીમાં, શરદ પવાર આજે બોલી ગયાં, મહારાષ્ટ્રની રાજનીતિમાં ખળભળાટ

• મહારાષ્ટ્રના મહા વિકાસ અઘાડી ગઠબંધન તૂટવાનું નક્કી
• એનસીપી પ્રમુખ શરદ પવારે અત્યારથી ભાખી દીધું ભવિષ્ય
• બોલ્યાં- 2024 સુધી મહાગઠબંધન રહેશે કે નહીં તે કહેવાય નહીં 

મહારાષ્ટ્રના મહાવિકાસ અઘાડી ગઠબંધન આગામી સમયમાં તૂટી શકે છે. શરદ પવારની વાતથી રાજનીતિમાં નવી ચર્ચાને વેગ મળ્યો છે. વાતો તો એવી પણ ચાલી રહી છે કે શરદ પવારની પાર્ટી એનસીપી ટૂંક સમયમાં ઉદ્ધવ ઠાકરે અને કોંગ્રેસ સાથેનો છેડો ફાડી શકે છે. 

શું બોલ્યાં શરદ પવાર 

મહારાષ્ટ્રમાં ચાલી રહેલા રાજકીય ઘમાસાણ વચ્ચે એનસીપી પ્રમુખ શરદ પવારે મોટું નિવેદન આપ્યું છે. શરદ પવારે કહ્યું હતું કે, "આજે આપણે મહા વિકાસ આઘાડી સાથે છીએ. પરંતુ 2024ની ચૂંટણીમાં તેઓ સાથે રહેશે કે નહીં, તેના વિશે હાલ કંઇ કહી શકાય તેમ નથી. શરદ પવારનું આ નિવેદન એવા સમયે આવ્યું છે જ્યારે મહારાષ્ટ્રમાં તેમના ભત્રીજા અજિત પવારના ભાજપમાં જોડાવાની ચર્ચા ચાલી રહી છે.

#WATCH | He is an experienced leader. His comments are important...Now, anyone can think & understand what they want: Maharashtra CM Eknath Shinde on NCP chief Sharad Pawar's statement on MVA pic.twitter.com/IabYHh6Sci

— ANI (@ANI) April 24, 2023

રાજકારણમાં હંમેશાં એકલી ઇચ્છા પૂરતી હોતી નથી
શરદ પવાર અમરાવતીમાં પ્રેસ કોન્ફરન્સ કરી રહ્યા હતા. આ દરમિયાન, જ્યારે તેમને પૂછવામાં આવ્યું કે શું મહા વિકાસ આઘાડી 2024 માં મહારાષ્ટ્રમાં એક સાથે ચૂંટણી લડશે. જવાબમાં પવારે કહ્યું કે આજે અમે મહા વિકાસ આઘાડીનો ભાગ છીએ, અને અમે સાથે મળીને કામ કરવા માંગીએ છીએ. પરંતુ રાજકારણમાં હંમેશાં એકલી ઇચ્છા પૂરતી હોતી નથી. સીટ-શેરિંગ, કોઈ સમસ્યા છે કે નહીં, તેની ચર્ચા હજી સુધી થઈ નથી. તો હું તમને આ વિશે કેવી રીતે કહી શકું?

તોડફોડની રાજનીતિથી નુકસાન 
શરદ પવારે અમરાવતીમાં પત્રકાર પરિષદમાં કહ્યું હતું કે મહારાષ્ટ્રમાં શરૂ થઈ રહેલી તોડફોડની રાજનીતિથી રાજ્યને મોટું નુકસાન થઈ રહ્યું છે. તેમણે કહ્યું કે, "જેમને તોડફોડની રાજનીતિ કરવાની છે તેઓ કરે, પરંતુ અમારે જે કરવાનું છે, તે અમે કરીશું."

Today, we are a part of Maha Vikas Aghadi, and there is a willingness to work together. But desire alone is not always enough. The allotment of seats, whether there are any problems or not- all this has not been discussed yet. So how can I tell you about this?: NCP Chief Sharad… pic.twitter.com/kie6zYfwR1

— ANI (@ANI) April 24, 2023

જેને લાગું પડતું હોય તે વિચારી લે- પવારના નિવેદન પર બોલ્યાં સીએમ શિંદે 
શરદ પવારના આ નિવેદન પર મહારાષ્ટ્રના મુખ્યમંત્રી એકનાથ શિંદેએ પ્રતિક્રિયા આપી છે. "શરદ પવાર ખૂબ જ અનુભવી નેતા છે. તેમનું આ નિવેદન ખૂબ મહત્વનું છે. તેમના નિવેદનમાં ઘણી ગંભીરતા છે, જેને પણ વિચારવાનું હોય તેણે આ વિશે વિચારવું જોઈએ. હું એટલું જ કહીશ.

"Maha Vikas Aghadi will remain. Its prominent leaders are Uddhav Thackeray and Sharad Pawar. In 2024, MVA parties will fight (Maharashtra Assembly) election together," says Sanjay Raut, Uddhav Thackeray faction leader & MP. pic.twitter.com/DNBhJqbdIN

— ANI (@ANI) April 24, 2023

મહારાષ્ટ્ર વિધાનસભાની હાલની સ્થિતિ
મહારાષ્ટ્ર વિધાનસભામાં કુલ 288 સભ્યો છે. રાજકીય સમીકરણો અને પાર્ટીની સ્થિતિ પર નજર કરીએ તો એનડીએ ગઠબંધન સાથે જોડાયેલા પક્ષોના ધારાસભ્યોની સંખ્યા 162 છે. વિપક્ષ મહા વિકાસ અઘાડી (એમવીએ) પાસે કુલ 121 ધારાસભ્યો છે.

એનડીએ: ભાજપ - 105, શિવસેના (શિંદે જૂથ) - 40, પ્રખર જનશક્તિ પાર્ટી - 2, અન્ય પક્ષો - 3, અપક્ષો 12

એમવીએ: એનસીપી - 53, કોંગ્રેસ - 45, શિવસેના (ઉદ્ધવ જૂથ) - 17, સપા 2, અન્ય - 4