તમારા કામનું / ઘરમાં પડેલા સોનાનું શું કરવું? આ કામ પર લગાડો અને રૂપિયા છાપો, ટેક્સની પણ નથી ઝંઝટ, મોદી સરકારની છે ગેરંટી

• ઘરમાં પડેલા સોનાથી કરો કમાણી
• મોદી સરકારની આ યોજના છે કમાલની 
• ટેક્સની પણ નહીં રહે ઝંઝટ

મોદી સરકારની એક એવી યોજના છે જેનાથી તમે ઘરમાં મુકેલા સોનાને ઉપયોગમાં લઈને દર મહિને કમાણી કરી શકો છો. સાથે જ તમારા આભૂષણ સુરક્ષિત પણ રહેશે. આટલું જ નહીં તમારી આ કમાણી પર કોઈ પણ પ્રકારનો ટેક્સ નહીં લાગે. 

ગોલ્ડ મોનેટાઈઝેશન વર્ષ 2015માં શરૂ કરવામાં આવેલી સ્કીમ છે. જેમાં કોઈ પણ નાગરિક ઘરમાં મુકેલા સોનાના આભૂષણ કે ગોલ્ડ બાદ અથવા સોનાના સિક્કાને બેંકમાં જમા કરાવી સ્વર્ણ મૌદ્રીકરણ યોજનાનો લાભ ઉઠાવી શકે છે. આ યોજનાનો હેતું સોનાની આયાત પર દેશની નિર્ભરતાને ઘટાડવાનો છે. 

શું છે આ યોજનાની ખાસિયત 
ગોલ્ડ મોનેટાઈઝેશન સ્કીમમાં સોનું જમા કરનારને સરકારની તરફથી વ્યાજની ગેરેન્ટી મળે છે. તેના પર દર વર્ષે વ્યાજ આપવામાં આવે છે. જ્યારે સોનાની કિંમત પણ બજાર ભાવના હિસાબથી વધતી જાય છે. 

જો તમે મેચ્યોરિટી પર પોતાના સોનાને કાઢો છો તો સોનાના વધતા ભાવની સાથે દર વર્ષના વ્યાજની પણ ચુકવણી કરવામાં આવશે. આ યોજનાનો સમયગાળાના હિસાબથી તેના પર વ્યાજની ચુકવણી થાય છે. સાથે જ તેના પર ટેક્સ પણ નથી લાગતો.  

કેટલું મળે છે વ્યાજ? 
આ યોજનામાં રોકાણના સમયના હિસાબથી વ્યાજની ચુકવણી કરવામાં આવે છે. યોજનામાં 3 મુખ્ય પાર્ટ છે. શોર્ટ ટર્મ બેંક ડિપોઝિટ યોજના હેઠળ 1થી 3 વર્ષ માટે સ્કીમનો ફાયદો ઉઠાવવામાં આવી શકે છે. તેના પર વ્યાજદર દર બેંક પોતાના હિસાબથી નક્કી કરે છે. 

ત્યાં જ મીડિયમ ટર્મ માટે 5થી 7 વર્ષ માટે તમે ગોલ્ડ જમા કરાવી શકો છો. તેના પર વાર્ષિક 2.25 ટકાનું નિશ્ચિત વ્યાજ મળે છે. લોન્ગ ટર્મની યોજનામાં તમે 12થી 15 વર્ષ માટે પોતાનું સોનું જમા કરાવી શકો છો. તેના પર તમને વાર્ષિક 2.5 ટકાનું વ્યાજ મળે છે.