દુર્ઘટના / ગુજરાતમાં એકી સાથે ત્રણ મોટા શહેરમાં આગ લાગતાં દોડધામ, પાટણ, પેટલાદ અને પાલનપુરમાં બની ઘટના

• રાજ્યમાં બની 3 આગ લાગવાની ઘટનાઓ
• પાટણમાં ફટાકડા સ્ટોલમાં લાગી હતી આગ
• આણંદના પેટલાદની પ્રાથમિક શાળા પાસે પણ આગ

ફટાકડાના સ્ટોલમાં આગ લાગતા અફરા-તફરીનો માહોલ
પાટણનાં સરસ્વતી તાલુકાનાં સરીયદ ગામમાં ફટાકડાનાં સ્ટોલમાં આગ લાગી હતી. ફટાકડાનાં સ્ટોલમાં આગ લાગતા અફરા-તફરીનો માહોલ સર્જાયો હતો. ફાયર વિભાગે આગ પર કાબૂ મેળવવાનો પ્રયાસ કર્યો હતો. 

આગમાં એક ટ્રેકટર પણ બળીને થયું ખાખ
આણંદનાં પેટલાદનાં રૂપિયાપુરા ગામની પ્રાથમિક શાળા પાસે આગ લાગી હતી. પાણીની ટાંકી નીચે ગોઠલેલા ઘાસચારામાં આગ લાગી હતી. પેટલાદ ફાયર વિભાગે ઘટનાં સ્થળે પહોંચી આગ પર કાબુ મેળવ્યો હતો. અચાનક આગ લાગતા ઘાસચારો બળીને ખાખ થઈ ગયો હતો. તેમજ આગમાં એક ટ્રેક્ટર પણ બળીને ખાખ થઈ ગયું હતુ. 

આગ લાગવાનું કારણ અકબંધ
બનાસકાંઠાનાં પાલનપુરમાં આવેલ કિર્તીસ્તંભનાં પ્રાંગણમાં આગ લાગતા દોડધામ મચી જવા પામી હતી. આગ લાગતા લોકોએ આ બાબતે ફાયર વિભાગને જાણ કરતા ફાયરનાં કર્મચારીઓ ઘટનાં સ્થળે પહોંચી આગ પર કાબુ મેળવ્યો હતો. આગ લાગવાનું કારણ હજુ પણ અકબંધ છે. સદનસીબે જાનહાની ટળી હતી. 

ઉમરગામ GIDC વિસ્તારમાં લાગી આગ
વલસાડની ઉમરગામ જીઆઈડીસી વિસ્તારમાં આવેલ આર.કે.પેકેજીંગ કંપનીમાં આગ લાગી હતી. ત્યારે આ બાબતે લોકો દ્વારા ફાયર ફાઈટર વિભાગને ફોન કરતા ફાયર ફાઈટર વિભાગે તાત્કાલીક ઘટનાં સ્થળે પહોંચી આગ પર પાણીનો મારો ચલાવી કાબુ મેળવ્યો હતો. ત્યારે આગ વધુ ન પ્રસરે તે માટે પણ તકેદારી લેવાઈ હતી. કંપનીમાં મોટા પાયે જ્વલંતશીલ જથ્થાનો પદાર્થ હતો.