બ્રેકિંગ ન્યુઝ
સલમાન ખાન ફાયરિંગ કેસ: અનમોલ બિશ્નોઇ સામે લુકઆઉટ નોટીસ જાહેર
1983ના 41 વર્ષ જૂના કેસમાં દાઉદ ઇબ્રાહિમ દોષ મુક્ત
22 એપ્રિલથી 'તારક મહેતા કા ઉલ્ટા ચશ્મા'ના કલાકાર સોઢીનો સંપર્ક કટ
અમેરિકામાં રોડ અકસ્માતમાં આણંદની 3 ગુજરાતી મહિલાઓના મોત, સમાજમાં શોકની લાગણી
લોકસભા ચૂંટણી 2024: બીજા તબક્કાનું મતદાન પૂર્ણ, UPમાં સૌથી ઓછું મતદાન તો ત્રિપુરામાં થયું બમ્પર વોટિંગ
રાજ્યમાં ઉનાળાની ઋતુમાં હવામાન વિભાગની કમોસમી વરસાદની આગાહી, આગામી 24 કલાક માટે સામાન્ય વરસાદની આગાહી, દક્ષિણ, મધ્ય અને ઉત્તર ગુજરાતમાં વરસાદની આગાહી
VTV / ગુજરાત / અન્ય જિલ્લા / Farmers are happy with the entry of Meghraja again in Gujarat
Malay
Last Updated: 10:31 AM, 17 September 2023
Rain In Gujarat: ગુજરાતમાં વરસાદનો વધુ એક રાઉન્ડ શરૂ થયો છે. હવામાન વિભાગે ગુજરાતમાં આગામી 4 દિવસ માટે વરસાદની આગાહી કરી છે. ઓગસ્ટ મહિનો આખો કોરો ગયા બાદ હવે સપ્ટેમ્બર મહિનામાં મેઘરાજાએ દિલ ખોલીને વરસવાનું મન બનાવી લીધું છે. ગઈકાલથી ગુજરાતનું વાતાવરણ પલટાયું છે, ગઈકાલથી રાજ્યના વિવિધ વિસ્તારોમાં મધ્યમથી ભારે વરસાર વરસી રહ્યો છે. મેઘરાજાનું ફરી આગમન થતાં ખેડૂતોમાં ખુશી જોવા મળી રહી છે. ચોમાસાની શરૂઆતમાં સારા વરસાદ બાદ વરસાદ ખેંચાતા ખેડૂતોના પાક નિષ્ફળ જવાની ભીંતી સેવી રહ્યા હતા. ત્યારે ફરી મેઘરાજાની એન્ટ્રી થતાં ખેડૂતોના પાકોને નવું જીવનદાન મળ્યું છે. વરસાદની વાપસી થતા ખેડૂતોમાં નવી આશા જીવંત થઇ છે.
ધનસુરા અને બાયડમાં 6 ઇંચ વરસાદ
રાજ્યમાં મેઘરાજાએ ધમાકેદાર બેટિંગ કરવાનું શરૂ કર્યું છે. ગઈકાલ રાતથી ગુજરાતના મોટાભાગના વિસ્તારોમાં વરસાદ વરસી રહ્યો છે. અરવલ્લી જિલ્લામાં મેઘો મુશળધાર થયા છે. મોડાસા અને ભિલોડામાં પણ ધોધમાર વરસાદ વરસી રહ્યો છે. છેલ્લા 12 કલાકમાં ધનસુરા અને બાયડમાં 6 ઇંચ વરસાદ નોંધાયો છે. જિલ્લામાં એક રાતમાં 10 ટકા જેટલો વરસાદ વરસ્યો છે.
ગોધરામાં પણ પડ્યો 6 ઈંચ વરસાદ
પંચમહાલના ગોધરામાં રાત્રીના સમયે 6 ઈંચ વરસાદ પડ્યો છે. અવિરત વરસાદને કારણે મેસરી નદી બે કાંઠે વહેતી થઈ છે. જેથી સ્થાનિકોને મેસરી નદીના કાંઠે ન જવાની તંત્ર દ્વારા અપીલ કરવામાં આવી રહી છે. ગોધરાનો વોરવાડ પાસે આવેલ કોઝવે પાણીમાં ગરકાવ થયો છે. ગોધરાની સોસાયટીમાં ભરાયા પાણી છે. અવિરત વરસાદને કારણે જિલ્લા વહીવટી તંત્ર એલર્ટ થઈ ગયું છે. આ ઉપરાંત દાહોદના સંજેલી ઝાલોદ તરફના કોઝવે પર પાણી ફરી વળ્યા છે. કદવાલ ગામને જોડતા કોઝવે પર પાણી ફરી વળ્યા છે. કોઝ વે પર પાણી ફરી વળતા વાહન વ્યવહાર ઠપ્પ થઈ ગયો છે.
નર્મદા ડેમમાં 18,63,117 ક્યૂસેક પાણીની આવક
ઉપરવાસમાં ભારે વરસાદને પગલ રાજ્યના ડેમાં પાણીની ભરપૂર આવક થઈ છે. નર્મદા ડેમ આ વર્ષે છલોછલ ભરાઈ ગયો છે. જ્યારે તાપીના ઉકાઈ ડેમમાં પાણીની ભરપૂર આવક થઈ છે. નર્મદા ડેમમાં 18,63,117 ક્યૂસેક પાણીની આવક થઈ છે. જેના કારણે ડેમના 23 દરવાજા 7.90 મીટર સુધી ખોલી 18,41,566 ક્યૂસેક પાણી નદીમાં છોડાઈ રહ્યું છે.
નર્મદામાં 800થી વધુ લોકોનું કરાયું સ્થળાંતર
નર્મદા ડેમમાંથી પાણી છોડવામાં આવતા નીચાણવાળા વિસ્તારોમાં રહેતા લોકોનું સ્થળાંતર કરવામાં આવ્યું છે. તિલકવાડા, નાંદોદ, રાજપીપળામાંથી 800થી વધુ લોકોનું સ્થળાંતર કરવામાં આવ્યું છે. નર્મદા ડેમથી 10 કિલોમીટર દૂર ગરુડેશ્વર મેઈન હાઇવે પર પાણી ભરાયા છે. નર્મદા નદીમાં પાણી છોડાતા હાઈવે બંધ કરવાની ફરજ પડી છે. પોલીસ દ્વારા હાઇવે પર આવતા વાહનોને રોકવામાં આવી રહ્યા છે.
માંગરોળ ગામ બન્યું સંપર્ક વિહોણું
નર્મદા નદીનું પાણી નાંદોદ તાલુકાના માંગરોળ ગામમાં ઘૂસ્યા છે. જેથી માંગરોળ ગામ સંપર્ક વિહોણું બન્યું છે. નર્મદા નદી કિનારાના શિવ મંદિર પાણીમાં ડૂબ્યું છે. ઘરમાં રહેલા લોકો ઘરમાં કેદ થયા છે. આખા ગામમાં પાણી ફરી વળતા લોકો મુશ્કેલીમાં મુકાયા છે.
ખેડૂતોમાં ખુશીનો માહોલ
બનાસકાંઠાના સરહદી પંથકમાં વરસાદનું આગમન થતાં ખેડૂતોમાં ખુશીનો માહોલ જોવા મળી રહ્યો છે. લાંબા સમય બાદ બનાસકાંઠા પંથકમાં વરસાદ થતાં ખેડૂતોમાં હરખની હેલી જોવા મળી રહી છે. બે મહિના બાદ વરસાદ થતાં ખેડૂતોના પાકને જીવનદાન મળ્યું છે. આખા દિવસના બફારા બાદ વરસાદથી વાતાવરણમાં ઠંડક પ્રસરી છે.
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir
પ્રચાર
ટોપ સ્ટોરીઝ
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir