ગયા વર્ષે 10 નવેમ્બર 2023એ જન્મેલુ બાળક હવે અબજપતિ છે. બાળકનું નામ છે એકાગ્રહ રોહન મૂર્તિ. અલગ અલગ મીડિયા રિપોર્ટ્સ અનુસાર, એકાગ્રહ સંભવતઃ ભારતના સૌથી નાની ઉંમરના અબજપતિ છે. હકીકતે તેમના દાદાએ પોતાની કંપનીના પોતાના ભાગના અમુક શેર તેને ટ્રાન્સફર કર્યા છે. દાદાનું નામ છે નારાયણ મૂર્તિ. જી હાં, ઈન્ફોસિસના ફાઉન્ડર નારાયણ મૂર્તિએ પોતાના પૌત્રને 240 કરોડ રૂપિયાની વેલ્યૂના શેર ગિફ્ટમાં આપ્યા છે.
એકાગ્રહ રોહન મૂર્તિની પાસે હવે ઈન્ફોસિસના 15,00,000 શેર છે. આ કંપનીના કુલ શેરના 0.04 ટકા છે. એક એક્સચેન્જ ફાઈલિંગમાં આ જાણકારી સામે આવી છે. આ ટ્રાન્સફર કરેલા શેરો બાદ નારાયણ મૂર્તિની પાસે કંપનીના કુલ શેરોના 0.36 ટકા ભાગ વધ્યો છે. જાણવા મળ્યું છે કે શરોનું આ ટ્રાન્સફર 'ઓફ માર્કેટ' કરવામાં આવ્યું છે.
વધુ વાંચો: શું ભારતીય બેંકો પર વધ્યું સાયબર એટેકનું જોખમ? RBIએ કર્યા એલર્ટ
શું છે એકાગ્રહનો મતલબ?
ગયા વર્ષે નવેમ્બરમાં નારાયણ અને સુધા મૂર્તિના દિકરા રોહન મૂર્તિ અને તેમના પત્ની અપર્ણા કૃષ્ણનના ઘરે દિકરાનો જન્મ થયો હતો. તેનું નામ એકાગ્રહ રાખવામાં આવ્યું હતું. જણાવવામાં આવી રહ્યું છે કે આ નામ મહાભારતના અર્જૂન પરથી રાખવામાં આવ્યું છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
