- અમિત શાહે ભારતીય ન્યાય સંહિતા બીલ રજૂ કર્યું
- બીલમાં મહિલાઓ સામેના રેપના ગુના અટકાવવા ખાસ જોગવાઈઓ
- ઓળખ છુપાવીને મહિલાઓ સાથેનું સેક્સ ગુનો ગણાશે
લગ્ન, પ્રમોશન અને નોકરીના ખોટા વચન હેઠળ ઓળખ છૂપાવીને અથવા સંભોગ કરીને કોઈ મહિલા સાથે લગ્ન કરવા પર 10 વર્ષ સુધીની કેદની સજા થશે, શુક્રવારે રજૂ કરાયેલા બિલમાં આ ગુનાઓ માટે પહેલી વાર સજાની જોગવાઈ કરાઈ છે. કેન્દ્રીય ગૃહ પ્રધાન અમિત શાહે લોકસભામાં ભારતીય ન્યાય સંહિતા (BNS) બિલ, 1860 ના ભારતીય દંડ સંહિતા (IPC) ને બદલવા માટે રજૂ કર્યું અને કહ્યું કે મહિલાઓ સામેના ગુનાઓ સંબંધિત જોગવાઈઓ પર વિશેષ ધ્યાન આપવામાં આવ્યું છે. તેમણે કહ્યું કે મહિલાઓ સામેના ગુનાઓ અને તેમના દ્વારા સામનો કરવામાં આવતી ઘણી સામાજિક સમસ્યાઓ સામે કામ પાર પાડવા માટે આ બીલમાં જોગવાઈ કરવામાં આવી છે.
બીલમાં શું છે જોગવાઈ
પ્રથમ વખત, લગ્ન, રોજગાર, પ્રમોશન અને ખોટી ઓળખને નામે અથવા ખોટા વચનને નામે મહિલાઓ સાથે સેક્સ ગુનો ગણાશે. આ બીલને સમિક્ષા માટે સ્થાયી સમિતી પાસે મોકલાયું છે જેમાં કહેવાયું છે કે જે કોઈ કપટપૂર્ણ માધ્યમથી અથવા તેને પરિપૂર્ણ કરવાના કોઈ ઈરાદા વિના કોઈ સ્ત્રી સાથે લગ્ન કરવાનું વચન આપે છે, અને તેની સાથે જાતીય સંભોગ કરે છે, તો તેવા કિસ્સામાં દશ વર્ષ સુધીની સજા કે દંડ થઈ શકે છે. છેતરપીંડીનાં ગુનામાં રોજગાર અથવા બઢતી, પ્રલોભન અથવા "ઓળખ છુપાીવીને લગ્ન કરવા"ના ખોટા વચનનો સમાવેશ થાય છે.
વરિષ્ઠ ફોજદારી વકીલ શિલ્પી જૈને શું કહ્યું
વરિષ્ઠ ફોજદારી વકીલ શિલ્પી જૈને જણાવ્યું હતું કે આ જોગવાઈ લાંબા સમયથી પેન્ડિંગ હતી અને આવી જોગવાઈ ન હોવાને કારણે આવા કેસોને ગુના નહોતા ગણવામાં આવતાં પરંતુ હવે તેને ગુના ગણવામાં આવશે. તેમણે કહ્યું કે કેટલાક લોકોએ "ઓળખ છુપાવીને લગ્ન કર્યાં હતા અને કાયદો ન હોવાને કારણે તેઓ છટકી જતા હતા. ખોટા બહાના હેઠળ લેવામાં આવેલી પીડિતાની સંમતિને સ્વૈચ્છિક ન કહી શકાય.
આપણા દેશમાં મહિલાઓનું એવા પુરૂષો દ્વારા શોષણ કરવામાં આવે છે જેઓ તેમને લગ્નનું વચન આપીને તેમની સાથે સેક્સ માણે છે અને જો વચન આપતી વખતે પુરુષોનો લગ્ન કરવાનો કોઈ ઈરાદો ન હોય તો તે અપરાધ છે.
ગેંગરેપના કેસમાં 20 વર્ષની સજા, સગીરા સાથે રેપ કેસમાં ફાંસીની સજા
અમિત શાહે કહ્યું કે સામૂહિક બળાત્કારના તમામ કેસોમાં, 20 વર્ષથી આજીવન કેદની સજા થશે. 18 વર્ષથી ઓછી વયની છોકરીઓ સાથે બળાત્કારના કિસ્સામાં ફાંસીની સજા થશે. હત્યાના ગુનામાં મૃત્યુદંડ અથવા આજીવન કેદની સજા, બળાત્કારના ગુનામાં ઓછામાં ઓછી 10 વર્ષની જેલ અથવા આજીવન કેદની સજા અને સામૂહિક બળાત્કાર માટે ઓછામાં ઓછી 20 વર્ષની કેદ અથવા બાકીની કેદની સજા થશે.
